د پلانا وێ دا نەبوو ببیتە مەدیاكار
سندس سالح سلێڤانەیی:
مەدیاكار(عایشا ئەحمەد) كو خەلكا باژێرێ دهۆكێ یە، د دیدارەكێ دا بۆ رۆژناما ئەڤرۆ دیاركر كو ژیێ وێ بیست و چارسالن و دەرچۆیا زانكۆیا دهۆك/پشكا زمانێ كوردی یە، ل دەستپێكێ ل پشكا سۆشیالێ ل كەنالێ دهۆك تیڤی كاركریە، د دووڤدا ژبەر بسپۆریا خوە بوویە ماموستا و ل قوتابخانەیا میدیا یا نیڤدەولەتی یا بەردەوامە.
ناڤهاتیێ گۆت: ژبلی كارێ ماموستایەتیێ هەتا نوكە من كارێ راستڤەكرنێ بۆ هژمارەكا پرتووكان كریە، بۆ زانین كارێ راگەهاندنێ دهزرا من دا نەبوو، بەلێ پشتی من رۆپەلەك لەر سۆشیالێ ل دۆر خزمەتكرنا زمانێ كوردی بۆ خوە چێكری، ئێدی هزر بۆ من چێبوو ل گەل راگەهاندنا كوردی هاریكارببم و حزمەتا زمانێ كوردی بكەم، ل دهۆك تیڤی ژی دەلیڤە هات ببمە ئێك ژ ئەندامێن تیمێ سۆشیالێ و ل وێرێ خزمەتا زمانێ كوردی بكەم، نوكە حەزژ راگەهاندنا كوردی دكەم و من دڤێت بسپۆریا خوە كو زمان و ئەدەبێ كوردی یە بێحمە د خزمەتا راگەهاندنا كوردی دا.
