هەمی دشێن رەخنەیێ بگرن بەلێ بەڕەڤانیكرن ژ مل و دەستـێن هەمیان ناهێت
ديدار، سالار محةمةد دۆسكى:
4 – 4
هەمان پێشمەرگەیێ شۆرەشا ئیلۆنێ و گولانێ گۆت: گەنجێ ل سەر دەمێ شۆرەرشا ئیلۆنێ و گولانێ ئەو بوویە دناڤا ژینگەهەكێ دا مەزن بوویە رۆژانە توب و فرۆكان كوردستان توب باراندكر و ئەڤی ب چاڤێن خوە دیت مللەتێ كورد یێ بن دەست و چەوا خەلكێ سڤیل یێ دبیتە قوربانی ناڤێ كوردینیێ و ب چاڤێن خوە دیت باب و برا شەهید بوون و ئەوان گەنجان حەزەكا كوردایەتیێ هەبوو و هەستێ نەتەوەیی هەبوو، نوكە هندەك ئەندامێن پەرلەمانی و من رێزگرتن بۆ ئەوان كەسان هەیە ئەوێن دەنگ دایە وان هوسا گەنجێن مە تێ دگەهینن كو جیهان هەمی بتنێ مووچە یە، بتنێ ل گوندێ مە هەتا دەڤەرا قەلادزێ ئەم هەشت رۆژان ب پیان چووین و هەشت قوناغا دەربازبووین.
نزار باوانی ئەو ژی گۆت: دناڤا رۆژێن ژیانا خوە دا ل هەر دو شۆرەشێن ئیلۆن و گولانێ گەلەك دیمەنێن نەخوش و خوش من دیتی نە و گەلەكن و ناهێنە جوداكرن كیش خوشن و كیش نەخوشن، یا ژ هەمیان نەخوشتر بوومن سالا 1975 بوو، دیمەنەكێ نەخوش بوو وەغەرەكا بگشتی بوو، بێ ئومێدی بوو، بەرەف چارەنڤێسەكێ بەرزە وەكی تو بكەڤیە گولەكا ئاڤێ و تشتەك نەبیت دەستێ خوە ب هاڤێژیێ وەكی بكەڤیە تاریەكێ تو نوزانی دێ كیڤە چی، گەلەكا رێكان خوە بەرزەكر و تشتێن غەریب ل 1975 دروست بوون، گەلەك جاران بێژمە هەڤالان پارتی دایكا كوردایەتیێ یە، ئەوێ، ڤێ قوتابخانێ مەزن بن قوتابیێن كوردایەتیێ نە و مە سەند هەیە، چ كەس ل كوردستانێ هەیە پارتەك دروستكربیت و پێشتر ئەندامێ پارتی دیموكراتی كوردستان نەبیت، هەمی حزب ب ئیسلامی ڤە، ئێكێ وەك (مەلا كرێكاری) بێژیت 1974 پێشمەرگە بووم ب سەرڤەرازی ڤە دبێژیت نوكە ژی هندەك ئێكەتی هەنە بێژن ئەم جەلالی نە و ئارمانجا وی ژ ئەڤێ گوندێ ئەوە وی دەمی مام جەلال ل گەل كوردان بوو، هەتا نوكە دناڤا سوران ژی ئەڤە هەنە و ب سەرلندی وەدبێژن چونكە مام جەلال وی دەمی پێشمەرگە بوو سالا 1964 هەتا 1966 و هەتا 1970 ل گەل حوكمەتێ بوو.
هەمان پێشمەرگە گۆت: ل هەر دو شۆرەشێن ئیلۆن و گولانێ زێدەتر نڤیسەر بووم من كارێ ئیدارێ دكر بەلێ ل سالا 1974ێ نێزیكی سێ هەیڤان ل چیایێ ئاسوس بووین كو دكەڤیتە بەرامبەر قەلادزێ رۆژئاڤا ئاسوس بێژنێ كێورەش یێ بلندە، فرۆكێ بەرامبەر هەر دو چیان دا و ئاڤەك دناڤبەرا هەر دو چیان دا دچیت و فرۆكێ ل كومەكا پێشمەرگەی دا و چەند پێشمەرگێن مە ل وێ دەڤەرێ بریندار بوون، ل شۆرەشا گۆلانێ هەلەبجە و ئەنفال بوومن گەلەك نەخوش بوون و چ جاران ژ بیرا من ناچن، ل سالا 1975 مامە ل كوردستانێ هەتا سالا 1986 مە كارێ رێكخستنێ دكر، دەسپێكێ مە ب رێكا (عادل مزیری) رێكخستنێن نهێنی ئەنجامدان هەتا سالا 1980ێ وێ سالێ هێرڤە و بەری سالا 1980 مە هەڤالەك هەبوو بناڤێ(محەمەد سەلیم) ژ ئیرانێ هات گۆت هاتیمە راسپاردن بۆ ئەڤی كاری من گۆتێ ل گەل (عادل مزیری) مە و پێشتر (محەمەد سینی) هەبوون و مە هاریكاریا وان دكر چونكە خارزایێن مە بوو و پێشتر گەلەك مرۆڤانی هەبوو و هەتا سەركردایەتی یا بەروەخت هاتی زێدەتر پەیوەندی بەرفرەه بووین، پشتی سالا 1975ێ رێكخیتنێن نهێنی گەلەك ب نهێنی كارێ خوە دكر و هەتا گەلەكا ئەف نهێنی یە بۆ هەڤژینا خوە نە گۆت و گەلەك ترس هەبوو و دەمێ ئەم ل گەل (عادل مزیری) مەزانی رێكخستن گەلەك یا بەرفرەهـ بووی، پشتی سەركردایەتی یا بەروەخت هاتی ئەوێ حزبی ژی نەبا هاریكار و پشتەڤانێ شورەشێ بوو و گەلەك نەخوێندەوار بوو و نەزانی بەلێ خەلكێ خوێندەڤان گەلەك هاریكار و پشتەڤانیا شورەشێ دكر، بۆ بۆچوونا من گەلەك گەهشتینە مافێن خوە بەلێ ئەو خێزانێن ل شورەشا ئیلونێ ژی دا ل گەل شورەشێ ماین و پێشمەرگە گەهشتینە نە گەهشتینە مافێن خوە چونكە شەفەكا بتنێ ژی ژنكێن وا ل دەف وان نە نڤستی نە و نان و خوارنا دایە پێشمەرگەی.
هەمان پێشمەرگەیێ هەر دو شۆرەشێن ئیلۆن و گولانێ ئەو ژی گۆت: ئەف پەیڤا من بۆ گەنج و لاوانە، خوشی تشتەكێ خوشە و مە هەمیان دڤێت و هەر هەمی دشێن رەخنێ بگێرن بەلێ بەرەڤانیكرن ژ مللەتی دەستێن هەمیان ناهێت، ئەوێ هندێ بێ قیمەت بیت و بتنێ چاڤێ وی ل خوەشیێ بیت ب هزر نەكەت بەرەڤانی هەیە و دڤێت ئێك هەبیت ئەڤی مللەتی راگریت و ئەف مللەتە ب ئێكگرتن و ب سەرۆكاتیا سەرۆك (مەسعود بارزانی) نەبیت چ جاران ناهێتە راگرتن، هیڤی ژێ دكەم دەستێن خوە بكەنە تێكدا و نەتەوایەتی نامریت چەوا پسمامەك ئێكی دكوژیت و رۆژا پاشتر ئەو ژی دهێتە كوشتن، وەكی حوكمەتا ئیراقێ بهێز دكەڤیت دوژمن بهێز دكەڤیت ئەو هزر ناكەت ئەڤە پێشمەرگە یان كەسەكێ دی یە نموونە ژی ئەنفال حوكمەتا ئیراقێ ژن و بچیك ژی ئەنفالكرن ئەڤە پێشمەرگە نەبوون و بێژمە گەنجان دوژمنێ كوردان دوژمنێ مە هەمیانە و دڤێت هندەك تشتان بدەیە ئالیەكی وەكی پاراستنا زمان و كەلتور و نەتەوا خوە و ناموسا خوە وڤی مللەتی ب ئێكگرتنێ و تێگەهشتنێ وەكی چاڤێ خوە ب پارێزی.
هەمان پێشمەرگێ شورەشا ئیلونێ و گولانێ ئەو ژی گۆت: داخازێ ژ رەوشەنبیر و راگەهاندكار و نڤیسەرا دكەم مێژوویا ڤی مللەتی بهێتە نڤێسین دا گەنجێن نوكە ببین كا چ ب سەرێ مللەتێ مە هاتیە كو ئەو ڤێگاڤێ ل هەمی جیهانێ دگەریت ناڤێ وی هەیە و دهێتە نیاسین وەك كەسەكێ كورد و ل سەر ڤی عەردی دژیت و دڤێت ئەو بزانیت ئەڤە ژ بوشاهیەكێ نەهاتیە بەلكو گەلەك كەسان و مرۆڤان خوە كریە قوربانی ڤێ ئاخێ سەخمراتی ئەو گەنج یان ئەم ئەڤرۆ ب ئازادی بژین و هاتن و چوونێ بكەین، ئەف قوربانی یا هاتیەەدان بۆ كوردایەتیێ هاتیەدان و هیڤدارم قەلەم زان و راگەهاندكار زێدەتر خوە ب وەستینن بۆ مللەتێ كورد.
نزار باوانی پێشمەرگەیێ هەر دو شۆرەشێن ئیلۆن و گولانێ ئەو ژی دیاركر كو پشتی سالا 1975 مایە ل سەر گوندێ خوە هەتا سالا 1986 دەست ب رێكخستنێن نهێنی كری دووڤ دا بۆ پێشمەرگە و بەرەف ئیرانێ چوو و ئەنفالان ل ئیرانێ بوو و دیسا وی دەمی گوندێ باوان بەر ب ئەنفالان نە كەت بوو و سەرهلدانێ هاتیە كوردستانێ بەلێ ل سالا 1997 خێزانا خوە ژ ئیرانێ ڤەگەراندە كوردستانێ.
ل دووماهیێ، نزار باوانی پێشمەرگەیێ هەر دو شۆرەشێن ئیلۆن و گولانێ گۆت: مللەتێ كورد گەلەك قوربانی داینە و گەلەك كەسان خوینا خوە بۆ ئەڤێ ئاخێ رێتی یە سەخمراتی ئەڤرۆ ئەم ئازاد بین داخازێ دكەین زێدەتر مللەتێ كورد ئێك رێز و ئێك دەنگ بیت و ب رابەریا جەنابێ سەرۆك بارزانی ئەف دەسكەفتێن ب دەست ڤە هاتین بهێنە پاراستن چونكە مللەتێ كورد گەلەك دوژمن هەنە و گەلەك نەحەز و دوژمنێن ڤی مللەتی هەمی بزاڤ و پێكولین وان ئەڤ دەسكەفتە نەمینن و ب ئانەهیا خودێ دێ هێنە پاراستن و دێ هەر مللەتێ كورد ب سەركەڤیت.
جهێ ئاماژەكرنێ یە كو پێشمەرگێ هەر دو شۆرەشێن ئیلۆن و گولانێ (نزار ئەحمەد قەسیم باوانی) یێ بەرنیاس ب (نزار باوانی) ل گوندێ باوان ل دەڤەرا دەشتا زێ ل سالا 1956 ژ بنەمالەكا ئایندار و كوردپەروەر ژ دایك بوویە، هەر ل ژیێ زارۆكینیێ ل گەل خێزانا خوە دژیت و گەلەك پەیوەندیێن جڤاكی و ئاینی ل گەل دەڤەرا بارزان هەبووینە و بەردەوامی دایێ، گوندێ (باوان) خودان قوتابخانەكا ئاینی بووینە و ئەڤ قوتابخانە بوویە بنەكوكەكا نەتەوەیی بۆ ئاڤاكرنا هزرا نەتەوەیی ل دەڤ گەنج و لاوێن دەڤەرێ و ناڤبری ل هەر دو شۆرەشێن ئیلۆن و گولانێ پێشمەرگە بوویە وەك كارێ نڤیسەر و كارگێری و هەتا نوكە ژی ل سەر خەبات و بەرخودانا خوە ل دەزگەهێ بالا یێ ئیلونێ یێ بەردەوامە.
