ئەڤرۆ فەستیڤالا دهۆك یا رەوشەنبیری 7 دێ دەستپێكەت
شاكر ئەتروشی::
ب چاڤدێریا (د.عەلی تەتەر) پارێزگەرێ دهۆكێ، ئێكەتیا نڤیسەرێن كورد/تایێ دهۆكێ، ل بەرە ئەڤرۆ رۆژا پێنجشەمبی، رێكەفتی 3/4/2024 دەست ب گێڕانا فەستیڤالا دهۆك یا رەوشەنبیری 7 بكەت و بۆ دەمێ دو رۆژان دێ یا بەردەوام بیت.
بەرنامەیێ ئەڤرۆ رۆژا ئێكێ كو دێ ل هولا ئێكەتیا نڤیسەران بیت، ل دەمژمێردەهی سپێدێ ب خواندنا پەیڤەكا بخێرهاتنێ كو ژلایێ بەرێز(حەسەن سلێڤانەیی) سەرۆكێ ئێكەتیا نڤیسەرێن كورد/تایێ دهۆك هێتە پێشكێشكرن دەستپێكەت، دووڤدا پەیڤا چاڤدێرێ فەستیڤالێ (د.عەلی تەتەر) پارێزگەرێ دهۆكێ هێتە خواندن، د دووڤدا پەیڤا گرۆنیكل و پەیڤا ئێكەتیا نڤیسەرێن عیراقێ هێنە خواندن و خەلاتێ زێڕی بۆ رۆناكبیرێ كورد و دوستێ مللەتێ كورد (ئیسماعیل بێشكچی) د پەنەلێ ئێكێ دا سێ سمینار و د پەنەلێ دویێ ژی دا چار سمینار دێ هێنە پێشكێشكرن، پاشان دێ كوڕەكێ هەلبەستخواندنێ هێتە گێڕان.
بەرنامەیێ سوبەهی رۆژا دویێ ژی كو دێ هەر ل دەمژمێر دەهی سپێدی ل هەمان هول بیت هەشت سمینار دێ هێنە پێشكێشكرن و ل دانێ ئێڤاری ژی گەڕیانەك دێ بۆ باژێرێ زاخۆ هەبیت و ب گێڕانا كوڕەكێ دی یێ هەلبەست خواندنێ فەستیڤال دێ ب دووماهی هێت.
