فێربوونا مۆزیكێ ب ئاوایەکێ ئەكادیمی باشترە
بێوارحەمدی:
مۆزیكژەن (رەیان محەمەد) كو بۆ دەمێ هەڤدە سالانە ئامیرێ چەلۆی دژەنیت، د دیدارەكێ دا بۆ رۆژناما ئەڤرۆ گۆت: ئەز ل چالاكیێن قوتابخانەیان فێری ئامیرێ چەلۆی بووم و هەتا نوكە ل گەل چەندین تیپێن هونەری كاركریە و پشكداری د هژمارەكا ئاهەنگ و كونسێرتان دا كریە و بۆ چەندین سترانبێژان مۆزیك ژەنینە و پشتی دەلیڤە هاتی چوومە پەیمانگەها هونەرێن جوان من ب دووماهی ئینایە.
هەروەسا گۆت: دەمێ مرۆڤ دەست ب ژەنینا هەر ئامیرەكێ مۆزیكێ دكەت ل دەستپێكێ دێ یا ب زەحمەت بیت، بەس هێدی هێدی دێ فێربیت و پێدڤیە خوە ماندی بكەت دا ببیتە مۆزیكژەنەكێ باش، لێ هەر دێ بێژم فێربوونا مۆزیكێ ب شێوەیێ ئەكادیمی گەلەك باشترە، ژبەركو مرۆڤ تووشی ئاستەنگان نابیت و هەكە ب ئەكادیمی ژی نەبیت رەنگە كارتێكرنێ ل ماسۆلكێن مرۆڤی بكەت و ل دەمێ ژەنینێ مۆزیكژەنی ماندی بكەت.
