بەلگە فلمەك دێ هەڤڕكیێ ل سەر باشترین خەلات كەت
زنار تۆڤی:
فلمێ (ڤەشارتنا سەدامی) كو ژ دەرهێنانا (هەلكەوت مستەفا) یە، ل پشكا هەڤڕكیێ ل گەڕا بیستێ یا فەستیڤالا نێڤدەولەتیا فلمێن زێوریخ ل سویسرا پشكدارە و یێ بەربژێرە بۆ وەرگرتنا خەلاتێ باشترین بەلگە فلم.
دەرهێنەری وی فلمی بۆ رۆژناما ئەڤرۆ گۆت: هەتا نوكە ئەڤ فلمە ل هەرێما كوردستانێ و چەندین وەلاتێن عەرەبی هاتیە نیشادان، عەلا نامق چیرۆكا ڤی فلمی ڤەدگێڕیت كو شیابوو (235) رۆژان سەدامی د چالاكێ دا ڤەشێریت، بۆ زانین دوازدە سالان كار بۆ بەرهەمئینانا ڤی بەلگە فلمی هاتیە كرن و بۆ جارا ئێكێ ل 2023 هاتیە نیشادان و د بەرنامەی دایە ل پرانیا وەلاتێن جیهانێ بهێتە نیشادان.
