ئێکەتیا ئۆرۆپا هۆشداریێ ددەتە رۆسیایێ
ب، سه‌رجان مەحمود:
بەرپرسێ پەیوەندیێن دەرڤە یێن ئێکەتیا ئۆرۆپا راگەهاند کو ئارمانجا رۆسیا یا نها د شەرێ ل گەل ئۆکرانیایێ دا تنێ ئەو وەلاتە نینە و هەر کەس دزانیت رۆسیا دڤێت سنۆرێ خوە یێ جوغرافی بەرفرەهتر لێ بکەت و ئارمانجا رۆسیا داگیرکرنا هندەک ژ وەلاتێن ئێکەتیا ئۆرۆپایە، ژ بەر ڤێ یەکێ ژی وەکو ئێکەتیا ئۆرۆپا ئەو ناهێلن رۆسیا بگەهیتە ئارمانجا خوە و دێ ل هەمبەر بزاڤێن نها یێن رۆسیا یا پێدڤی کەن.
جۆزپ بۆریل ئەو یەک ژی دیار کر، هەرچەندە هەتا نها رۆسیا شیایە پشکەک ژ ئاخا ئۆکرانیایێ داگیر بکەت لێ جڤاکێ نێڤدەولەتی ل دژی رۆسیا یە، ئەمریکا و ناتۆ ب هەموو رەنگەکێ نها ل دژی رۆسیا نە و ژ بەر ڤێ یەکێ ژی دڤێت وەلاتێن ئێکەتیا ئۆرۆپا ب هەموو شیانێن خوە پشتەڤانیێ ل ئۆکرانیایێ بکەن دا رێ نەدەن رۆسیا د شەڕێ نها دا سەرکەڤیت، هەکە رۆسیا سەرکەڤیت دێ بیتە مەترسی بۆ هەموو ئۆرۆپا، لێ هەکە رۆسیا تووشی شکەستنێ هات وی دەمی چو مەترسی ل سەر ئۆرۆپا ژی نامینن.
