بەربژارەكێ پارتی خێزانێن (200) شەهیدان خەلاتكرن
شاكرئەتروشی:
پارێزەر (بوتان سەگڤان رەشید فەلەك دۆسكی) بەربژارێ هژمارە (7) ل سەر لیستا هژمارە (190) یا پارتی دیموكراتی كوردستان بۆ خولا شەشێ یا پەرلەمانێ كوردستانێ، ل ئێڤاریا رۆژا ئەینی، رێكەفتی 11/10/ 2024 د چالاكیەكا تایبەتدا شیڤ خوارنەكا بەرفرەهـ بۆ بۆ خێزان و كەسوكارێن (200) شەهیدێن شەڕێ داعش دانا و هەموو هاتنە خەلاتكرن.
د. رێناس جانۆ، شیرەتكار ل مەكتەبا رێكخستنا پارتی ل دهۆكێ، د پەیڤەكێ دا سلاڤ و رێزێن بەرێز (سەربەست لەزگین) بەرپرسێ مەكتەبا رێكخستنا پارتی ل دهۆكێ گەهاندنە خێزان و كەسوكارێن شەهیدێن سەربلندێن كوردستانێ، هەروەسا بەحسێ قارەمانی و مێرخاسیا شەهیدێ فەرماندە (سەگڤان رەشید فەلەك دۆسكی) كر د شەڕێ روو ب رووبونا داعش دا كر و ژخێزانێن شەهیدان خواست دەنگی بدەنە كوڕێ وی (بوتان سەگڤان رەشید فەلەك دۆسكی) و گۆت مە باوەریەكا مەزن یا هەی كاك بوتان دەمێ دچیتە پەرلەمانێ كوردستانێ دێ بیتە پارێزەر و بەڕەڤانەكێ بهێز بۆ مالباتێن هەموو شەهیدان.
د دووڤدا (زێرەڤان شەهید عەبدوللا كۆچەر) بەپرسێ رێكخراوا شەدا یا خزمەتكرنا مالباتێن شەهیدێن شەڕێ داعش د پەیڤەكێ دا ئاماژە ب وێ چەندێ دا كو بوتان وەك نوونەرێ مالباتێن شەهیدان بەربژارە بۆ پەرلەمانی و ژخێزانێن شەهبدان خواست كو دەنگێ خوە بدەنە وی كو ئەو ژی هژمارە (7) ل سەر لیستا پارتی دیموكراتی كوردستان.
پاشان پارێزەر (بوتان سەگڤان رەشید فەلەك دۆسكی) بەربژارێ هژمارە (7) ل سەر لیستا هژمارە (190) گۆت: ئەڤرۆ خوە سەرفراز دبینم كو د خزمەتا هەوە دامە، چنكو ئێش و ئازار و برینێن مە هەموویان ئێكن و سۆزێ د ددەمە هەوە هەكە ئەز ب دەنگێن هەوە چوومە پەرلەمانی دێ ببمە خزمەتكارێ خێزانێن شەهیدان و كا چەوا د دەهـ سالێن بۆری دا وەك پارێزەرەك من بەڕەڤانی ژ مافێن خێزانێن شەهیدان كریە دێ ب بەرنامە و پرۆژەیێن باشتر د خزمەتا هەوە دابم و ئەز ڤێ چەندێ ب ئەركێ خوە دزانم.
ل دووماهیێ خەلات ل سەر خێزانێن هەر (200) شەهیدان هاتنە بەلاڤكرن و چەند سترانەك ژی ژلایێ (هۆزان حەیدەر و رەیان محەمەد) هاتنە گۆتن.
