نامەیا خوە ب رێیا پارچە ڤیدیۆیان دگەهینیت
دلڤین رەشید:
وێنەگر (سەردار گۆلۆ) د دیدارەكێ دا بۆ رۆژناما ئەڤرۆ دیاركر كو ئەو خەلكێ قەزا شنگالێ یە و دەرچۆیێ پەیمانگا تەكنیكی/دهۆك پشكا تەكنەلوجیا راگەهاندن، ئەڤە نێزیكی پێنج سالانە وەك وێنەگر كار دكەت و ب ڤێ رێكێ شیایە ئێش و ئازارێن خەلكێ شنگالێ بدەتە نیشادان.
ناڤهاتی گۆت: دقوناغا ئەڤرۆ دا سۆشیال میدیایێ رۆلەكی كاریگەر و ب لەز هەیە بۆ گەهاندنا هەر پەیامەكێ، چنكو راگەهاندنا مە ژی شیایە خوە دگەل سۆشیال میدیایێ ب گونجینت، من ژی ئەڤ چەندە ب دەرفەت دیت كو بشێم ب رێیا پارچە ڤیدیۆیان دابونەریت و ئیش و ئازارێن خەلكێ شنگالێ بگەهینمە خەلكێ جیهانێ، چنكو ئەو جینۆسایدا ب سەرێ خەلكێ مە یێ بێ گونەه هاتی تاوانەك دژی پیڤەرێن مرۆڤایەتیێ بوو، و هیڤی خوازم ژ هەركەسەكێ ل گوڕەی شیانێن خوە پتر بزاڤان بكەت، ب رێیا كارێ خوە فشارێ ل سەر جڤاكێ نێڤدەولەتی بكەن ژبۆ هندی ئەو وەلاتێن مای ژی دانپێدانێ ب جینۆسایدا ئێزدیان بكەن.
