وێرەكیا ئاخفتنێ تێرا پەیامنێری ناكەت
هەرهین محەمەد
زەهرا ئیحسان، پەیامنێر ل ئاژانسا خانی و دهۆك تیڤی، د دیدارەكێ دا بۆ رۆژناما ئەڤرۆ گۆت: پەیامنێری پیشەیەكا وژدانیە و ژ حەزێ مەزنترە و نە هەر كەسەكێ بڤێت دشێت ببیتە پەیامنێر و پەیامنێری داینەمویێ دەزگەهێن راگەهاندنێ یە و ئەو كەسێن پەیامنێریێ دكەت دڤێت هێز و ئیرادە و شیان هەبن و هەروەسا پپَدڤیە گەلەك پەیامنێر دنووكرنی َدا بیت و زانیاری ل سەر هەربوارەكی هەبن داكو كارەكێ جوان بەرهەم بینت و دەزگەه و بینەران ژ خوە رازی بكەت.
زەهرایێ گۆت : د هەموو بواران دا پەیامنێر (ویكی پێدیا) بیت زانیاریاری ل سەر هەربابەتەكی هەبن و بەرسڤا هەر پرسیارەكێ بشێت بدەت و هەكە زانیاری نەبن نەشێت چو پرسیاران ژی بكەت دیسان ب گشتی راگەهاندكار پێدڤیە كەسایەتیەكا جوان و بهێز و رێزدار هەبیت دناڤ جڤاكی دا و دهەردیوانەكێ دا پەیاخوە یا جودا هەبیت ژ كەسەكێ نۆرمال و بێگۆمان خواست و داخوازیێن پەیامنێرەكی ژ پەیامنیرەكێ دی جودایە و ئەو پەیامنێرێ دخوازیت ل سەر ئاستێ باژێرەكی، یان هەرێمەكێ دیاربیت ئەو پەیامنێر پێدڤیە شیانێن زمانی گەلەك باش پێبگەهینت و ژ روویێ ئەكادیمی ڤە یێ تایبەتمەند بیت د بۆارەكێ دیاركری دا ، چونكو بتنێ وێرەكیا ئاخفتنێ تێرا پەیامنیری ناكەت بیتە پەیامنیرەكێ باش.
