هەستێ کارێن خێرخوازی ل دەڤ ژنێ گەلەک یێ بهێزە
بێوار حەمدی:
هەردکەڤن دا ژنێ کارێن خێرخوازی و پیرۆز ئەنجامداینە و لدویف شیانێن خوە خزمەتکریە، ئەگەر ژی بۆ هندێ دزڤڕن کۆ ژنێ دلۆڤانیەکا بێ سنۆر هەیە و هەستێ کارێن خێرخوازی ل دەڤ ژنێ گەلەک یێ بهێزە.
شڕین بەرواری چالاکڤانا مەدەنیە دکارێن خێرخوازی دا ددیدارەکێ دا بۆ ڕۆژنامەیا ئەڤرۆ گۆت: ژمێژەیە ئەز کارێن خێرخوازی ئەنجام ددەم و من ژ پڕۆژەیەکێ بچۆیک دەسپێکر و پاشی من بزاڤکرن ڕێکخراوەکا نەحکومی ب دامەزرینم و گۆت : وەکو ژنەک من حەزدکر هاریکاریا خەلکێ هەژار و کێم دەرامەت بکەم ب تایبەتی ژی کەسێن ئێتیم و سێوی.
دبەردەوامیا ئاخفتنا خوەدا شرینێ دیارکر، هەستێ کارێن خێرخۆازی ل دەڤ ژنێ گەلەک یێ بهێزە ژبەرکو ژن دایکە و دایک پتر دئازارێن کەسێن کێم دەرامەت و هەژار دگەهیت و حەز دکەت کا چ پێدڤیە ژبۆ وان ئەنجام بدەت و گۆت (هەر دکەڤندا ژنێ ئەڤ کارێن پیرۆز و خێرخۆازی ئەنجامداینە و لدۆیف شیانێن خوە خزمەتکریە، ئەگەر ژی بۆ هندێ دزڤڕیت کۆ ژنێ دلۆڤانیەکا مەزن و بێسنور هەیە و هەستێ کارێ خێرخوازی لدەڤ وێ گەلەک یێ بهێزە.
هێشتا گۆت ژی دجڤاکێ مە یێ کوردی دا هەرکەسەکێ کارێن خێرخوازی بکەت پتر سەنگ و بۆهایێ خوەیێ هەی دناڤ خەلکی دا، ژبلی ڤێ چەندێ ژی مرۆڤ ددەرونێ خوەدا گەلەک ئارام دبیت دەمێ کارەکێ مرۆڤایەتی و پیرۆز ئەنجام ددەت، و بتایبەتی ژی ژن ژبەرکو وەکو مەگۆتی ژن دسرۆشتێ خوەدا دلۆڤانیا وێ پترە.
