هژمارەكا زۆرا وێنەیان بۆ گولان گرتینە
رەمەزان زەكەریا:
وێنەگر (تاهر ئالكەیی) سەرۆكێ رێكخراوا گول و سروشت د دیدارەكێ دا بۆ رۆژناما ئەڤرۆ گۆت: رێكخراوا گول و سروشت تایبەتمەندە ب گولێن سروشتی ڤە ل كوردستانێ دەمێ چەندین سالانە كاری ل سەر وان جۆرە گولا دكەم كو ل كوردستانێ كێمن و مەترسیا ژناڤچوونێ ل سەر هەیە.
ناڤبری گۆت: هەتا نوكە هژەمارەكا زۆرا گولێن سروشتی من تۆماركرینە و بڕیارە پشتی ب دووماهی دهێت ب وێنە و پێزانین ڤە هەموویان ل پرتووكەكێ دا كۆم بكەم بۆ وێ چەندێ مفای بگەهینیت هەمووان ب هەموو پێزانین ڤە و نوكە ب رێیا تۆرێن جڤاكی پەیامێن ڤیدیۆیی ل سەر گولان بەلاڤ دكەم وەك وەرزێ شین بوون و مفاو جۆرێ گولێ ل دووڤدا بەلاڤ دكەم بۆ وێ چەندێ خەلكی پێزانین ل سەر گولا هەبن و تۆرێن جڤاكی دەرگەهەكێ باشە بۆ وەرگرتنا پێزانینا و بەلاڤكرنا بابەتێن ژینگەهی و سروشتی، هەتا نوكە من چەندین پێشانگەه ڤەكرینە ێن وان گولێن كێم ل كوردستانێ هەین.
