ئەمریکا: ئێرشێن مە ل دژی حوسیێن یەمەنێ دێ بەردەوام بن
وەزارەتا بەرگریێ یا ئەمریکا راگەهاند بەری دو رۆژان فرۆکەیێن شەڕی یێن ئەمریکا ئێرشی چەندین بنگەهێن سەربازی یێن حوسیێن یەمەنێ کرینە و چەندین کۆگەهێن چەکی یێن حوسییان هاتینە ژناڤبرن، چونکی حوسی ب چەکێ پێشکەفتی و گران یێن ئیرانێ ئێرشی گەمیێن بازرگانی دکەن و ژ بەر ئێرشێن حوسییان هەتا نها زیانێن گەلەک مەزن گەهشتینە گەمیێن بازرگانی یێن چەندین وەلاتان و ژ بەر ڤێ یەکێ ژی وەکو ئەمریکا دێ ئێرشێن وان ل دژی حوسییان بەردەوام بن.
وەزارەتا بەرگریێ یا ئەمریکا ئەو یەک ژی دیار کریە، ئەمریکا ل گەل هەڤپپەیمانێن خوە کار دکەت دا مەترسیا حوسیێن یەمەنێ ل سەر گەمیێن بازرگانی نەمینیت، چونکی وان بەری نها هۆشداری داینە حوسییان لێ مخابن هەتا نها ژی مەترسیا حوسیێن یەمەنێ ل سەر گەشتیێن بازرگانی ل دەریا سۆر بەردەوامە و ژ بەر ڤێ یەکێ ژی دێ ئەمریکا یا پێدڤی ل دژی حوسییان کەت.
