راگەهاندنا بریتانیا: مەترسی ل سەر چار وەلاتێن ئۆرۆپی هەیە
دەزگەهێن راگەهاندنا بریتانیا دیار دکەن هەکە ترامپ پشتەڤانیێ ل ئۆکرانیایێ نەکەت و ئاگربەستەک ل گۆر دلێ رۆسیا بهێتە کرن دێ پشتی دەمەکێ رۆسیا ئێرشی چەند وەلاتێن دی یێن ئێکەتیا ئۆرۆپا کەت، چونکی پۆتینی دڤێت جارەکا دی رۆسیا ڤەگەریتنە ڤە سەردەمێ ئێکەتیا سۆڤیەتێ و دڤێت وەسا ئێکەتیا ئۆرۆپا لاواز بکەت.
ل گۆر دەزگەهێن راگەهاندنا بریتانیا رۆسیا دڤێت ئێرشی هەر یەک ژ وەلاتێن ئستۆنیا، لیتوانیا، لیتۆنیا و مۆلدۆڤا بکەت و دڤێت ب دەمی ئاخا رۆسیا مەزنتر لێ بکەت، پۆتینی دڤێت وەسا ل هەمبەر ئەمریکا و وەلاتێن رۆژئاڤایی بهێز کەڤیت، بێگومان هەکە ترامپ بەردەوامیێ نەدەتە سیاسەتا نها یا ئەمریکا و هزرا راگرتنا شەڕی بکەت ئەو یەک دێ خزمەتا سیاسەتا پۆتینی کەت و پاشی ژی دێ مەترسی ل سەر وان چار وەلاتان هەبیت، بێگومان مەترسی دێ ل سەر هەموو ئۆرۆپا هەبیت و دڤێت ئەمریکا ل گەل وەلاتێن ئەندامێن ناتۆ رێ نەدەن رۆسیا ل ئۆکرانیایێ بگەهیتە ئارمانجێن خوە.
