ئسرائیل: ئاگربەست ل گەل حزبوللاهێ د رۆژەڤا مە دا نینە
ئسرائیل کاتز وەزیرێ بەرگریێ یێ ئسرائیلێ د داخۆیانیەکێ دا راگەهاند حزبوللا لوبنانێ بوویە مەترسیەکا گەلەک مەزن ل سەر ئسرائیلێ، ئسرائیل ب چو رەنگەکێ هزرا ڤێ یەکێ ناکەت ئاگربەستێ ل گەل حزبوللا راگەهینیت، شەڕێ ل دژی حزبوللاهێ دێ ب دژواری بەردەوام بیت، ل هەر جهەکێ دێ ئێرش کەین، هەتا وەکو ئسرائیل ئەم نەگەهینە وان ئارمانجێن مە دیار کرینە دێ شەڕ ب دژواری بەردەوام بیت و لەشکرێ ئسرائیلێ خوە بۆ هەر پێشهاتەکێ ژی بەرهەڤ کریە.
ناڤهاتی ئەو یەک ژی دیار کر، ل هەر جهەکێ مەترسی ل سەر ئسرائیلێ هەبیت یان ژی هەر هێزەک ئێرشی ئسرائیلێ بکەت دێ ئسرائیل ب هەموو شیانێن خوە بەرسڤێ دەت، لێ هەکە حزبوللا داخوازیێن ئسرائیلێ قەبوول بکەت وی دەمی وەکو ئسرائیل ئەو دشێن هەلوەستێ خوە بگوهۆڕن، لێ نها تشتەک وەسا نینە و دێ شەڕێ ل دژی حزبوللا لوبنانێ ب دژواری بەردەوام بیت.
