ناڤەڕۆکا ئاگربەستا دو مەهی ب دلێ ئسرائیلێ یە
بەرپرسەکێ وەزارەتا دەرڤە یا ئسرائیلێ بۆ ئاژانسا رویترز یا نووچەیان دیار کر، ئەمریکا و فرەنسا کار بۆ راگەهاندنا ئاگربەستەکا دو مەهی د ناڤبەرا ئسرائیلێ و حزبوللاهێ دا دکەن و ل گۆر ئاگربەستێ ژی دڤێت د دەمێ ٦٠ رۆژان دا ئسرائیل هەموو هێزێن خوە ژ باشورێ لوبنانێ ڤەکێشیت و حزبوللا ژی وان دەڤەران هەموویێ رادەستی لەشکرێ لوبنانێ بکەت و ئێدی نەبیتە مەترسی ل سەر ئسرائیلێ.
هەمان بەرپرسی ئەو یەک ژی دیار کریە، ناڤەرۆکا ئاگربەستێ ب دلێ ئسرائیلێ یە و دیارە بەرپرسێن حزبوللا لوبنانێ ژی ژ ناڤەرۆکا ئاگربەستێ رازی نە و ئەمریکا ژی ب هەموو رەنگەکێ کار دکەت دا ئاگربەست ب رەنگەکێ باش بهێتە بجهئینان و هەکە حزبوللا چو ئاریشان دروست نەکەت دێ شەڕێ نها ل باشورێ لوبنانێ ب دووماهی هێت.
