ئەمریکا ئێرشی هێزێن سەر ب ئیرانێ ڤە ل سووریێ کریە
فەرماندارەکێ ئەمریکا راگەهاند د چەند رۆژێن بۆری دا هێزێن سەر ب ئیرانێ ل سووریێ ب درۆنان ئێرشی هێزێن وان کرینە و ل هەمبەر دا بەری دو رۆژان هێزێن ئەسمانی یێن ئەمریکا ئێرشی چەندین بنگەهێن سەربازی یێن هێزێن سەر ب ئیرانێ کرینە و زیانێن مەزن ژی گەهاندینە وان.
هەمان فەرمانداری ئەو یەک ژی دیار کریە، ئیرانێ دڤێت ب رێیا هێزێن چەکدار ل سووریێ ئالۆزیان بۆ ئەمریکا دروست بکەت، لێ هێزێن ئەمریکا د ئامادەباشیێ دانە و دێ ب توندی ژی بەرسڤا هەر ئێرشەکێ دەن.
ئەو یەک د دەمەکێ دایە کو بەری نها ژی چەندین جاران گرۆپێن چەکدارێن سەر ب ئیرانێ ل سووریێ ب رێیا درۆنان ئێرشی بنگەهێن سەربازی یێن ئەمریکا کربوون و ل هەمبەر دا ئەمریکا ژی چەندین بنگەهێن سەربازی یێن گرۆپێن سەر ب ئیرانێ ل دێرازۆرێ و دەوروبەرێن وێ ب تەمامی ژناڤبر.
