شارەزایەکێ ئابووری: د نها دا گوهورینا مۆبایلێ كه‌لتۆره نه پێدڤیاتیه
پەروین سەلاح
مامۆستایه‌كێ زانكۆیێ ئاشكه‌را دكه‌ت كو د نها دا خه‌لك گه‌له‌ك مۆبایلان بۆ پێدڤیاتیێ ناكرن، به‌لكو بۆ بابه‌تێن جوانكاریێ ب كار دئینن. دده‌ته دیاركرن ژی كو د دیتنا جڤاكی دا ئه‌ڤ كارێ دهێته كرن بازرگانیه‌كا بێ مفایه. هه‌ر د گۆتنێن خوه دا به‌حس ل وێ چه‌ندێ دكه‌ت كو نها گوهۆڕینا مۆبایلێ كه‌لتوره و دبێژیت: “ژن پتر ژ زه‌لامان مۆبایلێن خوه د گوهۆڕن ژ به‌ر كو ئه‌و هه‌ستیار ترن”.
هلوڤان حسنی مامۆستایێ زانکۆیێ و بسپۆر د بوارێ ئابووری دا د دیدارەکێ دا بۆ رۆژناما ئەڤرۆ گۆت: بێ گومان بازرگانیا ب مفا ئەو جۆرێ بازرگانیێ یە هەردوو لایەن مفاداربن تێدا فرۆشیار و کریار و فرۆشیار د فرۆتنا بەرهەمێ خۆ دا و دەستەڤە ئینانا برە پارەیەکی و قازانجەك بۆ وی پەیدا ببیتن، کریار ژی یان بکر دەمێ کرینا ڤی بەرهەمی دا ئەوژی مفای ژ وی بەرهەمی ببینت بۆ بەرژەوندی و داخازیێن خۆ یێن رۆژانە ئەڤ جۆرێ بازارکرنێ دهیتە هژمارتن ژ بازرگانیا ب مفا.
ناڤهاتی ل دۆر مفایێ گوهۆڕینا مۆبایلێ گوت: رێژا هەرە مەزن یا کرینا موبایلێ پتر بو بابەتێن جوانکاریێ یە ژ پێدڤیبوونێ و لایەنێ مفادار تێدا یێ کێمە و مفا وەرگرتن ژ ڤێ بازرگانیێ هەرا کێمە هەردوو لایەن فرۆشیار و بکر دگەل جڤاکی بازرگانیەکا ئەڤە ژی وەك دیتنە کا ئابووری بازارکاری بازرگانیەکا بەرزەیە.
ده‌رباره‌ی دیاردا زێده كرینا مۆبایلا د ناڤ خه‌لكی دا و ب تایبه‌ت مه كوردان ل هه‌رێما كوردستانێ ناڤبری گوتژی: گوهورینا موبایلێ کلتورە بەرامبەر وێ کو پێدڤی بیت رێژەیەکا هەرە کێم پێدڤیە ژبەرکو دەمێ ئەم دبینین ب دیتنەکا ئابووری بازار کاری کەنگی پێدڤیبوون دروست بیت دەمێ مرۆڤ هەست ب نەبوونا تشتەك بکەتن یان ژی ئەو تشتی هەی گورەی داخازیێن مرۆڤی نینە،لەوما تو هەست پێ دکەی تویێ پێدڤی تشتە کێ نوی داکو وان داخازیێن خو یێن رۆژانە پێ پربکەی، لێ بەروڤاژی ئامێرێ موبایلێ پتر بابەتەك کلتوریە.
ل دۆر وێ چه‌ندێ كا ژن پتر مۆبایلێ نوو دكه‌ن یان زه‌لام، شاره‌زایێ وارێ ئابووری دده‌ته دیاركرن كو: ئەگەر وەك دیتنە کا ئابووری و ژلایەنێ دەروونی ڤە سحکەینێ ئافرەت پتر ژ زەلامی موبایلێ بکاردئینن چونکە پتر ئافرەت هەست دار ترە ژ زەلامی و پتر کرینا موبایلێ ژ لایێ ئافرەتێ ڤە بو جوانکاریێ دهێتە ب کارئینان هەروەسا تەخا گەنجان ب رێژەیەکا باش ب کرینا ئامیرێ موبایلێ ڤە گرێدای و بەردەوام گۆهورینێ دکەن بو کرینا موبایلەکا جۆرێ نوی کو دەمێ شنی دهێتە دناڤا بازاریدا.
ل دۆماهیێ ژی هلوڤان حسنی گوت: هندەك خال یێن هەین کو پێدڤیە گرنگی پێ بهێتە دان ژ لایێ هەردوو لایەنان ڤە لێ پتر ژ لایێ فرۆشیاری ڤە د گەل بکری جونکی کرینا موبایلێ ئێك ژوان بەرهەمانە گەلەك هەستیارە و دەمێ دهێتە ب کارئینان بهایێ خو یێ بازاری ژدەست دەت لەو پێدڤیە هەر ژ دەسپێکێ پێزانین بهێنەدان و پرۆسسە ب شێوەیەکێ بهێتە ئێکلاکرن و رون کرن ژ لایێ فرۆشیاری ڤە بۆ بکری دا کو پرۆسسا کرینێ ب رەنگەکێ باش بیت و لسەر بنەمایەکێ دروست بیت فرۆشیار پێزانیێن دروست ل سەر ڤێ موبایلێ بدەتە بکری دا بکر ژی یێ ئاگەداربیت ل سەر جۆرێ ڤێ موبایلێ، جونکی موبایل ژ وان بەرهەمانە خەلەت ب کارئینانا وێ زیانێن ئابووری و مادی و تەندروستی دیڤ خوه دا دئینیت.
