پەسـنا یارێ
سەیفوللا موحەمەد
مە لێــــكدان پەیڤ ژ فەرهەنگان
بێـژە كێشـــان ب تەڤ دەنگــــان
نە هــــەژی بوون ب چ ڕەنگــــان
ژ بۆ یــــارێ بكــــــم هەلبەســـت
مە پەیڤ ئینان ســسـت و خـاڤن
نە دەرهـــەق دو بری و چــــاڤن
ب ناڤ زیـــنە و ســەد ناســـناڤن
ل من تێكدان وێ هـزر و هەسـت
هــــەر چ پەســــنا كو ئەز بێــــژم
ڤەهیـــنۆكێـــن دل ڤـەڕێـــــــــژم
لـێ دیســان ئەز شــاش و گێـــژم
د پەســـــنێدە د میـــــنم مەســت
مـــە پێ گـــۆت ل هــــەمی دەما
لـێ دەســــتیری ئێــــــــــدی نەما
لـەو خامـەیێ مـە كـــەت خـــەما
ئێـدی زیـز بوو خـوە نەدا دەسـت
ســــەرنەكـــەفتم ئەڤــێ جـــارێ
جــــوان بكـــــم پەســـــنا یـــارێ
مـە بەخــت ڕەش بوو ڤـێ بهارێ
وەك مە نەهات یا مە د خوەست
