ئیران: دڤێت خوە بۆ هەر ئەگەرەکێ بەرهەڤ بکەین
شیرەتکارێ رێبەرێ شۆرەشا ئیسلامی یا ئیرانێ دیار کر، ژناڤچوونا رژێما بەشاری دێ کاریگەریا خوە ل سەر ئیرانێ هەبیت، نها ئەمریکا و ئسرائیل وەسا دبینن هەڤپەیمانێن ئیرانێ ل دەڤەرێ ژناڤچووینە و ئیران گەلەک لاواز بوویە، ئسرائیلێ دڤێت پشتی ترامپی وەکو سەرۆکێ ئەمریکا دەست ب کارێ خوە کر ب هاریکاریا ئەمریکا ئێرشی بنگەهێن ئەتۆمی یێن ئیرانێ بکەت.
موحسن رزایی ئەو یەک ژی دیار کر، دڤێت وەکو ئیران ئەم خوە بۆ هەر ئەگەرەکێ بەرهەڤ بکەین، راستە ژناڤچوونا دەستهەلاتا بەشاری ل سووریێ زیانەکا خوە یا گەلەک مەزن بۆ ئیرانێ هەیە، لێ هێشتا ژی ئیران یا بهێزە و دشێت ل دژی ئەمریکا و ئسرائیلێ گەلەک تشتان بکەت و ژ بەر ڤێ یەکێ ژی نها گرنگە وەکو ئیران ئەم د ئامادەباشیێ دا بین و خوە بۆ هەر ئەگەرەکێ ژی بەرهەڤ بکەین.
