رەوشەنبیرێن تورکیا: قۆناغا نها بۆ تورکیا گەلەکا هەستیارە
نێزیکی ٥٠ نڤیسەر، رۆژنامەڤان و رەوشەنبیرێن ناڤدار یێن تورکیا د کۆمبوونەکێ دا سەبارەت ب چارەسەرکرنا پرسا کوردی ل تورکیا پشکدار بوون و پشتی کۆمبوونێ ژی دیار کرن، نها رەوشەکا نوو ل دەڤەرێ هاتیە پێش، روودانێن ل سووریێ دێ کاریگەریا خوە ل هەموو دەڤەرێ کەت و بێگومان تورکیا ژی دێ کەڤیتە ژێ کاریگەریا گوهۆڕینێن نها یێن ل سووریێ و ژ بەر ڤێ یەکێ ژی گرنگە دەستهەلاتا تورکیا کار بۆ چارەسەرکرنا پرسا کوردی بکەت، هەتا پرسا کوردی ل تورکیا ب رێیێن ئاشتیانە نەهێتە چارەسەرکرن دێ مەترسی ل سەر تورکیا هەبیت.
رەوشەنبیرێن تورکیا ئەو یەک ژی دیار کرن، مخابن هەتا نها ژی دەستهەلاتێ چو پرۆژە بۆ چارەسەرکرنا پرسا کوردی ل تورکیا بەرهەڤ نەکرینە، هەلوەستێ نها یێ دەستهەلاتێ گەلەک شاشە و دێ بیتە ئەگەرێ ئالۆزیێن مەزن، دڤێت ب کریاری کار بۆ چارەسەرکرنا پرسا کوردی ل تورکیا بهێتە کرن، ژ بەر ڤێ یەکێ گرنگە هێزێن ئۆپۆزسیۆنێ ژی خوەدان پرۆژە بن.
