ئیران داخوازا پارەیێن خوە ژ سووریێ دکەت
پەیڤدارێ وەزارەتا دەرڤە یا ئیرانێ راگەهاند ئیرانێ د شەڕێ ل دژی داعشێ دا گەلەک هاریکاریا سووریێ کریە و سووریێ ٣٠ ملیار دۆلاران قەرزدارا ئیرانێ یە و دڤێت نها سووریێ قەرێ خوە بدەت و وەکو ئیران ئەو دێ هەموو رێیان بکار ئینن دا حوکمەتا نوو یا سووریێ قەرێن ئیرانێ بدەت.
ئیسماعیل بەقایی ئەو یەک ژی دیار کر، وەکو ئیران ئەو چاڤەرێ نە دا کو حوکمەتەکا نوو ل سووریێ بهێتە ئاڤا کرن، دڤێت حوکمەتا نوو ل گۆر داخوازیێن هەموو خەلکێ سووریێ بیت، پشتی حوکمەتا نوو بهێتە ئاڤاکرن وی دەمی ئیران دێ هەلوەستێ خوە ئاشکرا کەت، لێ دڤێت ئێک ژ کارێن سەرەکی یێن حوکمەتا نوو یا سووریێ دانا قەرێن ئیرانێ بیت کو ٣٠ ملیار دۆلارن و ئیران دێ هەموو رێیان بۆ وەرگرتنا پارێن خوە بکار ئینیت.
