سیاسەتا تورکیا ل هەمبەر کوردێن سووریێ گەلەک شاشە
بوله‌ند کایا ئه‌ندامێ په‌رله‌مانێ تورکیا ژ فراکسیۆنا سەعادەت و پارتا پاشه‌رۆژێ ل په‌رله‌مانێ تورکیا راگه‌هاند کو سووریێ د ره‌وشه‌کا هه‌ستیار دایه و گۆت: (د قۆناغا نها دا تورکیا دشێت رۆله‌کێ ئه‌رێنی ل سووریێ بگێریت، گرنگە د ڤێ قۆناغێ دا هه‌م تورکیا ل سووریێ د مژارا کوردان دا هه‌ستیار بیت و هه‌م ژی کورد ئالیێن هه‌ستیار یێن تورکیا به‌رچاڤ وەربگرن، ئەو یەک د بەرژەوەندیا هەر دو ئالیان دایە).
ناڤهاتی هه‌روه‌سا راگه‌هاند کو کوردێن سووریێ پشکه‌کن ژ ده‌وله‌ت و جڤاکێ سووریێ و دڤێت تورکیا د سیاسه‌تا ده‌رڤه دا ل دووڤ ڤێ راستیێ نێزیک ببیت و گۆت: (سووریێ نها د قۆناغەکا نوو دایە، دڤێت مافێن کوردان د دستوورێ نوو یێ سووریێ دا بهێتە گەرەنتیکرن، ئەو یەک چو مەترسیێن خوە بۆ تورکیا نینە، لێ مخابن سیاسەتا نها یا تورکیا ل هەمبەر کوردێن سووریێ گەلەک شاشە، نابیت تورکیا دوژمناتیا کوردان ل سووریێ بکەت، تورکیا دشێت پەیوەندیێن خوە ل گەل کوردێن سووریێ باش بکەت و ئەو یەک د بەرژەوەندیا تورکیا دایە).
