دزانم
رێبوار شەرەفانی
تە دبینم و دزانم نە ملكێ منی
و دزانم بێی تە دمرم
وەك وی كەسێ ل بەر سێدارەدانێ
حەز دكەت ل دووماهیك وەسیەتێ
بێژیت: من دڤێت من عەفو بكەن.
و سۆر و سۆر دزانیت
ئەو چەندە چێنابیت.
ئەگەر ژ ئازاردانا من تێر نەبووی
وەرە پارچە پارچە بكە
ئەو تۆپە گۆشتێ ل پشت قەفەسا سینگێ من
ئەگەر دیسان تێر نەبووی
ئاگری بەردە جانێ من
خۆلیا وی بكە كل و ل چاڤێن خۆ بدە
ئەگەر هەر تێر نەبووی
دوعا دكەم ساخ ببمەڤە
و دیسان دەستپێبكەڤە.
