کەنی ھاندەرەکێ کارایە بۆ پەیوەندیێن نوو
ئه‌ڤرۆ:
ڤەکۆلینەکا نوو ئاماژە دا وێ چەندێ کو کەنی ھاندەرەکێ کارایە بۆ ھەڤبەندیێن نوو. زانکۆیا کولیدج ل لەندەن دیار کر کو پشکداریا کەسێن بەرامبەر د کەنیێ و سحبەتێن خۆش دا وەدکەت کو مرۆڤ پتر یێ بەرھەڤبیت تشتا ل سەر کەساتیا خوە بێژیت و بێی ئەو بزانن.
راستگۆیی بلوکا ئێکێ یە ھاریکاریا مرۆڤی دکەت بۆ ئاڤاکرنا ھەڤبەندیێن نوو و چڕکرنا تێکەلیێن جڤاکی. دبیت ئەڤ ڤەدیتنا خۆیەتی خودان سروشتەکێ ھەستیار بیت، وەکو پشکداریا د بیر و باوەران دا یان ترسێن کەسوکی یان ھەتا ھندەک کارێن سەرڤە سەرڤە وەکو خۆشترین خوارن.
بۆ بنەجھکرنا رۆلێ کەنیێ ل سەر ڤێ کریارێ، ڤەکۆلەران ١١٢ قوتابی ژ زانکۆیا ئکسفۆرد ل بریتانیا ئینان و کرنە چار کوم. ڤان قوتابیان ئێکدو نەدنیاسی، پاشێ ھەموویان تەماشەی ڤیدیۆیەکێ کر بۆ دەمێ ١٠ دەقیقان، پشکدارێن کریە کەنی پتر پێزانین ل ئێکدو گوھارتن.
بەرھەڤکەرێ ڤەکۆلینێ “ئالان گرای” دیار کر کو نە بتنێ ئەڤە تاقیکرنەکا ئەرێنی بوو، بەلێ ژ بەر فسیولۆژیا کەنیێ بوو.
ئەڤ ئەنجامە پشتەڤانیا وێ ھزرێ دکەن کو کەنی ھاندانا خەلکی دکەت پتر بۆ مرۆڤێن بیانی د راستگۆ بن. ناڤبری دیار کر کو کەنیێ گرێدانەکا تایبەت یا ب رەوشتی ڤە ھەی بۆ پێشڤەبرنا ھەڤبەندیان، ھەروەسا دیار کر ژی کو دڤێت کەنی بابەتەکێ گرنگ بیت ۆ پێشڤەبرنا ھەڤبەندیێن جڤاکی.
