ژ شـكەسـتنێ نەتـرسـە
سیبەر حـاجی محەمەد
پترین مرۆڤێن سەركەفتن ب دەستڤە ئینایی ئەو كەسە نە ئەویێن دزانی شكەستنێ چ رەڤین ژێ نینە، هەر دەمێ كەفتنا تە مەزنتر بیت فڕینا تە بلندتر دبیت، دەمێ تو كارەكی ئەنجام ددەی تە دو هەلبژارتن یێن هەین، ئەو ژی سەركەفتن یان فێربوون، بەلێ دەمێ تو چو كاران نەكەی ئەڤە بتنێ ئێك هەلبژارتن یا هەی ئەوژی شكەستنە، لەوا مەرجێ دروستبوونا تە ئەوە بەردەوام پێكۆلا بكەی و د پێكۆلێن خۆ دا دەمێ شكەستنێ دئینی پاشڤە نەزڤڕی و جارەكا دی ب شێوەكێ باشتر پێكۆلان بكەی و نەهێلی شكەستن ببیتە ئەگەر تو ژیاننامەیا قەهرەمانێن دیرۆكێ بخوینی دێ بۆ تە دیاربیت كو هەروەك زارۆیان كەفتن مەرجێ سەرەكی یێ دورست خۆڕاگرتنا وانە ل سەر پێن خۆ، لەوا چو جاران ژ كەفتنێ نەترسە، بەلكی ب تنێ پێدڤیە تو ژ نەپێكۆلكرنێ بترسی، چونكی ئەو شكەستنا مرۆڤی د ژیانێ دا مسۆگەر دكەت،كەسێن سەركەفتی د دیرۆكێ دا، پڕانیا وان بەری ئارمانجێن خۆ، گەلەك جاران شكەستن. شكەستن مە فێر دكەت، چاوا خەلەتیێن خۆ راست بكەین، چاوا بهێزتر و ژیرتر بین، چاوا سەبر و خۆراگریێ بكەین، چاوا رێكێن باشتر بدوزین.
ژبەر هندێ نابیت ئەم ژ شكەستنێ بترسین، دڤێت ئەم وەك دەرفەتەكێ لێ نێرین بۆ فێربوون و پێشكەفتنێ، هەر شكەستنەك گاڤەكێ مە نێزیكی سەركەفتنێ دكەت، ب مەرجێ كۆ ئەم ژێ فێربین و بەردەوام بین د هەولدانێ دا، نەترسان ژ شكەستنێ رێكا سەركەفتنێ یە، گەلەك جاران د ژیانێ دا رویبەری شكەستنێ دبین، ل قوتابخانێ د كارێ خۆ دا، د پەیوەندیێن خۆ دا، یان د پرۆژەیێن خۆ دا، لێ تشتێ گرنگ ئەوە كا ئەم چاوا دگەل ڤان شكەستنان رەفتارێ دكەین، هەكارێن ترسا ژ شكەستنێ، ترسا ژ رەخنەیان، ترسا ژ دەست دانا باوەریێ، ترسا ژ دەستدانا دەمی و پارەی، ترسا كێمبوونا رێزێ ل جڤاكی دا، لێ دڤێت ئەم بزانین كو شكەستن دەرفەتا فێربوونێ یە، هەر شكەستنەك دەرسەكە بۆ پاشەرۆژێ، ئەزموونێنن نوی ددەتە مە، شیانێن مە هێز دكەت، رێكێن سەرەدەریكرنێ دگەل شكەستنێ: شكەستنێ وەك دەرفەتەكێ ببینە نە وەك داویا رێكێ، پلانەكا نوی دانە پشتی هەر شكەستنەكێ، راوێژێ ب كەسێن شارەزا بكە، ژ ئەزموونێن كەسێن دی فێرببە، باوەریا خۆ ب خۆ قەت ژ دەست نەدە، داویێ: شكەستن نیشانا داویا رێكێ نینە، بەلكو دەسپێكا رێكەكا نویە، هەر كەسێ سەركەفتی رۆژەكێ شكەستیە، یا گرنگ ئەوە كو مرۆڤ رابیت و دیسا هەول بدەت، ژبیر نەكە كو هەر گاڤەكا بەرەڤ پێش تە نێزیكی ئارمانجا تە دكەت، ئەڤرۆ ئەگەر تە شكەستن خوار بزانە كو تە گاڤەكا دی ئاڤێتیە بۆ سەركەفتنێ، رابە سەر خۆ ژ ئەزموونا خۆ فێرببە و بەردەوام بە د رێكا خۆ دا.
