گوهۆڕینان بكە
گۆهۆڕینا سالێ ل دەڤ تە بلا بتنێ گۆهۆڕینا هژمارێ نەبیت، هندەك گوهۆڕینان ژ خوە دەستپێبكەن، داكو هەوە پاشەرۆژەكا باشتر هەبیت، ئەڤ سالە ژی وەكی سالا بۆری ب ڤالاهی دەرباز نەبیت، دێ چاوا شێی خوە گۆهۆڕی؟ بۆ بەرب ژیانەكا باشتر، بەرب سەركەڤتنان.
ل دەسپێكێ وەسا بەرێ خوە بدە خوە هەر وەكی تۆ د شاشەیەكا تەلەفزیۆنێ دا ل مال، ل كۆلانێ، ل گەل هەڤالان، ل قوتابخانەیێ، ئەرێ تۆ خوە چاوا دبینی؟ ئەو كار و كریارێن تۆ دكەی ل مال ل گەل هەڤالان ل گەل كەس كاران تو ژێ رازی؟ هەردەم خوە دانە جهێ كەسەكێ مەزن وەكی (باب، دایك، خۆشك، برا، ماموستا… هتد) ئەو تشتێ تۆ دكەی یێ دروستە یان شاشە؟ تۆ ل مال چدكەی بێكار؟ تۆ ژ دەرڤەیی مال ل گەل هەڤالان چدكەی؟ دەمێ دەردكەڤی تۆ زی دزڤڕیە مال، یان هەتا درەنگ ل كۆلانان، ل قوتابخانەیێ تۆ یێ زیرەكی یان نە زیرەكی، بۆچی و كیژ رێك دێ تە ب سەرئێخیت و ژیانا تە خۆش كەت، خواندن و نڤێسین، یان كۆلان و مۆبایل، یا باشە تۆ چاڤ ل كیژ هەڤالان بكەی، یێن باش یان خراب، گرنگ تۆ خوە چاوا دبینی؟ تۆ ژ رەفتارێن خوە یێ رازی یێن تۆ دكەی یان نەخێر و بۆچی؟ تە ل بەر خوە بگۆهۆڕی یان نەخێرو بۆچی؟ دێ كیژ رێكێ گریە بەر یا باش ، یان خراپ؟ بۆچی؟ رۆژانە سێ دانێن خوارنێ تۆ دخۆی، یان نەخێر؟ بۆچی؟ ئەرێ تە هزرا خوە كر دێ چاوان خۆ گۆهۆڕی؟ ل دووڤ بەرسڤێن ڤان پرسیاران بگەڕە، تۆ دێ زانی كا د ئەڤ سالەدا تە چەند خوە گوهۆڕیە، ئەگەر تە بەرسڤا ڤان پرسیاران ل دەڤ خوە نەدیت، ل وان كێماسییان بگەڕە یێن نە هێلاین تۆ بەرسڤا ڤان پرسیاران بدەی، لەورا رابە و ناڤێ خودێ بینە و دەست ب گۆهۆڕینان بكە.
