ژنباب
قاهر محەمەد
ل دووف عەبایێ ڕەش ڕا دچوو هزردكر دایكاوی یە، دەركەفت ژنبابا وی ، ژنبابا وی ب قێری گازیكرێ پاشان ژ خەوەكا كوور هشیاربوو (كوڕۆ ما دێ هەرها) یێ نڤستیبی كێ هوسان تۆ نازداركریە? دگەل گوهـكێشانێ تۆ هزردكەی وەكی دایكا تە دێ تە نازداركەم، تۆ راوەستە هەتا بابێ تە بزڤڕیت مال بلا تە ببەت پاڤێژیتە سەر جادێ بابێ وی ل كاری زڤڕی ل پشت دەرگەهی گوهـلێبوو، بەلێ نەشیا بەڕەڤانیێ ژێ بكە ، ها تۆ زڤڕی مال تە فەهم كر دێ وەرە ڤی كوڕی ببە پاڤێژە سەر جاددێ، پشتی جنگلێ وی گرتی و پشتدەر كری، لسەر شوستەی خوە درێژكر و چاڤێن خوە دانان سەرئێك و دهەمبێزا دایكا خوە دا دخەوچوو، هندید كارمەندێن باژێرڤانیێ یێ گازی دكەنێ رابە كوڕو ئەڤە نە جهێ نڤستنێ یە تۆ كوڕێ كێی، ئەز كوڕێ سلویێ رەشم ئەوێ ژنەكا دی پشتی مرنا دایكا من ئینای سەد ئاخینك راهێلان دادێ تۆل كیڤەی؟ هەموو یێ من دهەمبێزا تە دا رادكەن، ژێهەل تەماشەی عەسمانی كر، هەستكر ئێدی چ جهێن عەردی بۆ وی نەمان پەناگەهـ و هێلین، شەڤەكێ دایكا خوە د خەونێ دا دیت، گۆتێ كوڕێ من رێیا راست یا خودێ بگرە پڕانیا شەڤێن ژیێ وی یێ زارۆكاتیێ ئەڤ خەونە دووبارە بوو، ئێدی سۆز دا دلێ كەسێ نە شكێنیت ، یێ نەرم و ئارام و مفا بەخش بیت، رۆژ هاتن رۆژ چوون ئەڤی كوڕێ سنێلە كاریگەری ل كولانا خوە پاشی تاخێ خۆ پەیداكر، چوو دەڤ وان هەموو هەڤالێن زارۆكینێ و هەروەك دوینا ئەو هەمبێزكرن سەد ئاخینكێن دووربوونێ ڕاهێلان، هەر هەڤالەك بیرهاتنەك ل دەف وی پەیدابوو، دگەل بۆرینا دەمی ناڤ و دەنگێن وی ل باژێری پەیدا بوون ، و چوو وی جهێ خوە درێژكری لسەر شوستەی بەرێ خوەدایێ هەموو یێ دەرزی و شكەستی دیسان چوو ڕۆژێن زارۆكینیێ دەمێ بابێ وی هاڤێتیە سەر شوستەی ، رۆژەكێ رۆژنامەڤانەكی پرسیار ژیكر: نهێنیا ڤێ هەمی خۆشتڤیبوونێ چیە؟ ئەوی بەرسڤدا و گۆت: دل جهێ ڤیانێ نە ، نە جهێ شكاندنێ نە ، كەسێ نەشكێنە، دێ خودێ ژی تە شكاندنێ پارێزیت، ئەوێن ئەز شكاندیم من هەمان شاشی نەكر، مرۆڤێ دروست ئەوە یێ پشتی خەمێن مەزن دل نەرمتر و ئارامتر دبیت، پتر ئێدی حەزژ بێدەنگیێ و ئاشتیێ بكەت، لاڤەیێن كەیفخۆشیێ بۆ هەموویان بكەت پاشی بۆ خوە چونكی سزا و پاداشتێن هەموویان یێ ل دەڤ خودێ ، ئەز دێ هەدارێ كێشم و خودێ دێ مافێن من وەرگریت و ڤیانا من پڕی دلان كەت.
