زڤـڕۆكـا ئـارمـانجان

زڤـڕۆكـا ئـارمـانجان

4

ئیمان مەجید

جاران مرۆڤ دكەڤیتە د ناڤبەرا ئارمانج و خۆزیێن خۆ، لێ د ڤێ خالێ دا گەلەك یا گرنگە تو ئەو تشتێ دشیان دایە چێبیت ژ خۆزیێن خۆ جودا بكەی، جاران مرۆڤ دكەڤیتە د زڤرۆكەكا بێ دویماهی داكو هندی دكەت ئەنجامان نا بینیت دێ هزركەت كو هەمی خەونێت خۆ بجهبینیت و ئەو ل هەمان خالێ یێ راوەستیایە، دەم تشتەكێ تایبەتە د ژیانێ دا وەك پەنجەمۆرا تە، هەر ئێكێ دەمێ خۆ یێ هەی، ل ڤێرە دڤێت تو ئارمانجێن سەرەكی و نە یێن گرنگ دوبارە رێكبێخی، بۆ نموونە تە دڤێت ببیە شۆفێرێ چەمەندەفڕێ و تو بچی ئێكسەر بكڕی، لێ دڤێت دەستپێكێ تو خۆ فێربكەی و وێ زانینێ بكەیە دۆهێل، ل دویڤ شیانێن خۆ و ژینگەهێ، زڤرۆكا ئارمانجان تشتەكێ نۆرمالە؛ ئەون ئەگەرێ سەرنەكەفتنێ یان دلتەنگیەكێ یان دویماهیەكی، بتنێ ئەو نامەیا بێهنفرەهیێ و دوبارە رێكخستنێ یە.
د پەرتووكا Discover دا یا هاتیە نڤیسین كو (خەون نامەیا دەستپێكرنێ یە) ب وێ رامانێ كو ئەگەر تە هزر گەلەك لسەر ئارمانجەكێ كرن دڤێت روی تیشكۆیا خۆ پتر دابنیە سەر وان رێك و چانسان ئەوێن تە نێزیكی ڤێ ئارمانجێ دكەن، یا گرنگە د هەمان دەم دا هزر ل سەر گەلەك ئارمانجان نەكەی، چونكی دێ بەرزەبی و پاشی دێ نقۆم بیە د ناڤ هزران دا، ب تایبەت د چەرخێ مۆدرێن و ل گەل خەبسا سۆشیال میدیایێ گەنج نوكە نقۆمن د ناڤا هزاران هزران دا كو نیڤەك ئاشۆپ و چارێكەك هیڤی و یا دیتر بتنێ یا دروستە، ئەڤ چەندە تشتەكێ گەلەك نۆرمالە و دڤێت بزانین ئەو دەرئەنجامێ گەلەك هزركرنێ یە و مە پرۆتوكولەكێ خۆرزگاركرنێ هەبیت، ژ ئاشۆپ و هزرێن زێدە، ئاقلەمەند و ئەو كەسێن خودان سەربۆر ژ سەربۆرا خۆ دزانن كو گەلەك هزركرن، بتنێ ژ وزە و دۆمێ وان دبیت و دزانن كو ئەو پێدڤی ب خۆ هەنە دا كارێن خۆ یێن گرنگ بكەن.
ئەگەر مرۆڤی رێكەكا رۆهن هەبیت ژیان پتر هاریكار دبیت و ژینگەهێ بۆ تە بەرهەڤ دكەت دا ببیە كەسەكێ سەركەفتی.

کۆمێنتا تە