سعوودیێ مەرجێ خوە بۆ پەیوەندیان ل گەل ئسرائیلێ راگەهاند
وەزارەتا دەرڤە یا عەرەبستانا سعوودیێ د داخۆیانیەکێ دا راگەهاند، هەتا دەولەتا فەلەستینێ نەهێتە ئاڤاکرن و خەلکێ فەلەستینێ ل سەر ئاخا خوە ب ئازادی نەژین ئەو ب چو رەنگەکێ ل گەل ئسرائیلێ پەیوەندیان دروست ناکەن، مخابن هەلوەستێ نها یێ ئسرائیلێ ل دۆر خەلکێ فەلەستینێ ب تایبەتی ژی یێن غەزە جهێ داخێ یە و ئەو یەک ب چو رەنگەکێ ناهێتە قەبوول کرن.
وەزارەتا دەرڤە یا عەرەبستانێ ئەو یەک ژی دیار کریە، ئەو دێ ل سەر بزاڤێن خوە یێن بۆ ئاڤاکرنا دەولەتا فەلەستینێ بەردەوام بن و دڤێت ئسرائیل ژی دانپێدانێ ب دەولەتا فەلەستینێ بکەت و شاشیێن بەری نها دوبارە نەکەت.
ئەو یەک د دەمەکێ دایە کو بەری ئێرشا حەماسێ یا ل سەر ئسرائیلێ گەلەک ژ ژێدەرێن میدیایی یێن عەرەبی بەحسێ ڤێ یەکێ دکەن دکرن کو دێ عەرەبستان ل گەل ئسرائیلێ دەست ب قۆناغەکا نوو کەت.
