ئیران ب فەرمی بەرسڤا ترامپی ددەت
بەری دو رۆژان دۆنالد ترامپ سەرۆکێ ئەمریکا دیار کر، ئەو دێ سزایێن گەلەک دژوار ل سەر ئیرانێ سەپینن و د هەمان دەمی دا وی دڤێت ل گەل سەرۆک کۆمارێ ئیرانێ مەسعود پزیشکیان دانوستاندنان بکەت دا پرسێن هەی د ناڤبەرا خوە دا چارەسەر بکەن، چونکی ئەمریکا ب چو رەنگەکێ رێ نادەت ئیران ببیتە خوەدانا چەکێ ئەتۆمی.
ل هەمبەر داخۆیانیا ترامپی دوهی فاتمە مهاجرانی پەیڤدارا حوکمەتا ئیرانێ دیار کر وان بەری نها ژی ب فەرمی هەلوەستێ خوە ل دۆر دانوستاندنان ل گەل ئەمریکا دیار کرینە لێ دڤێت ئەمریکا رێزێ ل ئیرانێ بگریت و ئیران رێ نادەت ل ژێر ناڤێ دانوستاندنان ئەمریکا مەترسیێ بۆ بەرژەوەندیێن ئیرانێ دروست بکەت، لێ ژ بۆ چارەسەرکرنا پرسێن هەی ئیران بەرهەڤە ل گەل ئەمریکا دانوستاندنان بکەت.
