ئەو خیڤەتا بوویە تەرمینالا سیاسی
مسعود عەبدوللا حەبیب
ئەڤ جۆرە پیلانە بو چەندین مەرەمەكان دهێنە دارشتن و مەرەم ژی یا رۆن و ئاشكەرایە كو ل ئەڤان دوماهیا ل رۆژهەلاتا ناڤین ئەو گورانكاریێن رویداین تایبەتی پشتی ژناڤچوونا رژێما ئەسەدی هندەك ڤالاهیێن سیاسی دروست بووینە و هەرێما كوردستانێ ئێكە ژ وی لایەنی كو شیایە رۆلەكێ ئەرێنی ل ئەڤێ پێڤاژویێ ل رۆژهەلاتا ناڤەراست ببینیت، د چارچووڤەكێ دیموكراسی دا كو ئەم دشێین بێژین ئازادی ئانكو ل ڤێرە چاوا ئەم بێژین وەلاتێن دیموكراسی دشێن ل ئەڤێ پروسەیێ دا رۆلەكێ ئەرێنی ببینن، هەلبەت وەلاتێن نە دیموكراسی و دژی ئینسانیەتێ زیانێ دكەن زەرەر مەندن، لەورا یا وان دڤێت ئەو ئێمناهی و ئارامیا ل هەرێما كوردستانێ هەی نەمینیت داكو سەرنجا گشتی یا رۆژهەلاتا دەرڤە بخۆڤە نەبینیت، ئەڤە ئێك یا دوویێ ژ لایەكی دی ڤە دەنگێ نەرازیبوون و نە قەبوولكرنا ئەنجامێن هەلبژارتنێن خولا شەشێ یا پەرلەمانی نە ژلایێ حزبێن سیاسی یێن ئوپوزسیۆن كو ب خۆ ب دەرفەت ببینن ئاژاوەگێریێ دروست بكەن و یاریێ ب هەستێن خەلكێ سادە بكەن كو چەند كەسەك ب ناڤێ مامۆستا و فەرمانبەران راسپاردینە، مانگرتنێ بكەن كە چ داخوازا مووچە و قویتێ خەلكی بكەن و د دەمەكی دا پرسا مووچەی ل دەف حوكمەتا فیدارل یا ئیراقێ یە، نەك ل هەولێرێ ئەگەر ئەو مانگرتنە راستە بۆ داخوازیا مافێن گەلێ كوردە! یا سەیر ل ڤێرە ئەرێ بۆچی بەرپرسێن ئیراقێ یێن ئاشكەرا ل دژی ماف و دەستكەفتێن گەلێ كورد وەكو یووسف كیلابی و دەستەكا حەشدا شەعبی سەرەدانا باژێرێ سلێمانیێ دكەن و ب باوەش و پشتگیری و ئامۆژگاری فەرمانێ لێ دكەن ڤەگوهێزنە هەولێرێ ئاژاوەیا خۆ دیسا هەر ئەو لایەنێن سیاسی یێن ئوپوزسیۆن بوون كو خواستا وان ئەوبوو مووچەیێ وان بچیتە سەر ب حوكمەتا ناڤەندی ڤە ل بەغدا، ل ڤێرە خودانێن ئەڤێ پیلانێ خوە ئاشكراكرن و مەرەم ژێ تێكدان و لاوازكرنا رەوشا هەرێما كوردستانێ یە.
