ئیران: ب چو رەنگەکی داخوازیێن ئەمریکـا قەبوول ناکـەین
وەزیرێ دەرڤە یێ ئیرانێ دیار کر، ئەمریکا ل ژێر ناڤێ رێککەفتنەکا نوو ل دۆر بەرنامێ ئەتۆمی دڤێت ئیرانێ لاواز بکەت و ب دەمی ژی دڤێت ئیران خوە رادەستی ئەمریکا بکەت، بێگومان ئەو یەک ناهێتە قەبوول کرن و هەکە ئەمریکا رێزێ ل ئیرادە و داخوازیێن خەلکێ ئیرانێ نەگریت، دانوستاندنێن ل گەل ئەمریکا ژی چو ئەنجامێن خوە نابن.
عەباس ئیراقچی ئەو یەک ژی دیار کر، ترامپ ل ئالیەکێ بەحسێ ئاشتیێ و ب دووماهی هاتنا شەڕی ل رۆژهەلاتا ناڤین دکەت، لێ ل ئالیێ دی دخوازیت مە نەچار بکەت دا هەموو دخوازیێن وان قەبوول بکەین، ئەمریکا ب سزادانا ئیرانێ نەشێت یا دڤێت ل دەڤەرێ بجه بینیت و گۆت: (وەکو ئیران مە بەری نها ژی دیار کریە ئەم بەرهەڤین ب رێیا دانوستاندنان هەموو پرسێن هەی ل گەل ئەمریکا چارەسەر بکەین، لێ یا نها ئەمریکا ژ ئیرانێ دڤێت دانوستاندن نینە، بەلکو ئەمریکا دڤێت ئیرانێ نەچار بکەت هەموو داخوازیێن وێ قەبوول بکەت).
