«ژبۆ ئەوێن ژبەر مرنا وژدانێن وان، پەیڤێن وان ژی مرین»
شعر: أحمد عبدالمعطی حجازی
وەرگێران: عارف حیتۆ
«سترانەک»
هەسپەک نا سەتمیت..
ئو شوورێ من بڕەرە
دچمە سەر سەحنا جێ قەبخواستنێ
ب کوباری، دچمە سەر سەحنێ و
دلینییا خوە پەسن دکەم
یارییان ب شووری دکەم
ل هەمبەری فێرسان قەت، نا لەرزم!
* * *
«شەهنازی»
ئەز ژ بچووکترین فێرسێن پەیڤێمە
لێ دێ خوە دبەر ئەوان ڕا کەم،
یێ ئەز فێری بکارئینانا شووری کریم
یێ ئەز فێری ڕەنگینکرنا تیپان کریم
دێ ل سەر پشتا ماهینا خوە، ژێ بۆرم و پەیا نابم
چ ترسەک من ڕاناڕەڤێت، نێ ئەز بچووکترینم
هێژ من هەڤالینییا چ پسمیران نەکرییە
فێر نەبوویمە هۆگرێن خۆشیێ پەیداکەم
من.. پەیڤ ب زێرێ برسقیی نەفرۆتییە
من چ جا شوور ڕانەکرییە هەڤالێن خوە،
فێرسێن پەیڤێ
چ ڕۆژان ژی، من ناسناڤێ فێرسی قەت
نەدانایە سەر میرەکێ لال!
* * *
«شووربازی»
ئها ئەڤە ئەز ژ خوە باوەر
ب تیێ شوورێ خوە یێ بڕەر، سلاڤ دکەم
ئەڤە ئەزم، قەبێ ناڤدارەکی دخوازم، ناڤێ وی دزانم
ناڤێ من یێ نیاسی نینە، لێ دێ دەستگۆرکێن خوە ئێخم
بێی پویتە دان، ل ناڤ چاڤێن خائینی ددەم
پێ ل ڕکێبا زکێ ماهینێ ددەم
هەر لێددەم و تەنا نابم
ب ناڤێ پەیڤێ
ب ناڤێ عەردێ کەسک
ب ناڤێ گوندێن بۆ ستراندی و ب ناڤێ مرۆڤی
ئەو پەیڤێن شرینێن ل سەر لێڤێن خائینی مرین
ئێدی نەما مابن پەتی
ئێدی وەک باهۆزێ ب خواندەڤانان ناکەڤن
ئێدی نەما برین ژێ بزێت
شوور ژی ئەگەر کەفتە د جەنگا دۆڕاندیدا، گێل دبیت
دبیتە چویڤەک د دەستێ بێباوەریدا
وەی مخابن! ئەز یێ ژبەر ڕابردوویێ وی دگریێم،
دلێ من یێ ب ڕەشە هەنۆکەییا وی ڤەیە
مخابنیێ ب ناڤێ وی دبەم
ئەی ناڤێ ناڤدار، تە ناڤداری ب ناڤێ پەیڤێ نیاسی
پا بۆچی تە خیانەت کر؟
دەڤێ شووری تە ب خوینا فێرسان پیس کر؟!
ئها ئەڤە ئەزم هەر یێ لێددەم، تەنا نابم
هەسپەک نا سەتمیت،
ئو بڕەرێ من کەچ ناکەت
ئەگەر شوور داردەستی من بیت،
هینگی بزانە ئەزم یێ ڕاست!
* * *
«بنەما»
ئەز یێ ل ڕێزا وەفاداری، ژ چ ئایین بیت
پەراستنێ ل مزگەفتێ بکەت، یان ل سەر جاددێ
پەیڤ هەردووان ئەشکەنجە ددەت
ئو پەیڤ بارە و ئێمانەتە
ئەز یێ ل ڕێزا وەفاداری، چەند یێ شاش بیت
نێ پەیڤ دەریایە ل هەفتێ ئێڤاران سوار دبیت،
هەتاکو لۆلۆ ژێ دزێت
ئەز یێ ل ڕێزا تۆبەداری، کا چەند تاوان یا مەزن بیت
نێ ڕێکا پەیڤێ یا مشتە ژ شەهوەتان
ل ڤی سەردەمی، ئەوێ توند پەیڤا خوە گرتی،
وەک وییە یێ پەلەک گرتی!
* * *
«پەیماننامە»
ئەی پەیڤ..
فێرسێن تە ژ سەر هەسپان دکەڤنە سەر زێڕێ ڕێکان
فێرسێن تە، شوور ڕاکێشان فێرسێن تە
میناکێ پەندەوەریێ بەرزەکرن
ل پشت مەرتالێن وان، گیانێ شۆڕەشێ مر
جاردی زڤڕینەڤە کافر
دیرۆک ماندلا کر، شەرەفێ دجوین و
نڤێژ ژبۆ پسمیران کرن
ئەوێن تو ددانای کچا خوە، تو هێلای هۆ…
ئەی کچا من یا خۆشەڤی!
ئەی گیانێ وان ڕۆژێن داهاتی یێن کەسک!
لێ ئەم… ئەو فێرسێن برسی
دێ ل سەر پشتا هەسپان مینین،
هەر لغاڤان توند دکەین تا ئێڤارییا بهێت
یان.. ل سەر سەحنا قەبخوازتنێ، دکەڤین کوشتی!
***
ژێدەر: دیوانا) مدینە بلا قلب (، اڵاعمال الکاملە؛ ص٢٠٣-٢٠٩.
