پایسكلڤانێن دهۆكێ بوونە قارەمانێن قۆناغا دویێ
تیما لاوێن یانەیا دهۆك ناسناڤێ قارەمانییا قۆناغا دویێ ل سەر ئاستێ لاوان ب دەستڤە ئینان پشتی شیایین ل رێزا ئێكێ ل سەر ئاستێ گشتی یا هەڤڕكیێن یارییا پایسكلان بهێت، د یاریێن واندا ئەوا ل پارێزگەها كەربەلا هاتییە كرن.
ل دۆر ڤێ قارەمانیێ و ئەنجامێن تیما دهۆكێ تارق سەعید ڕاهێنەرێ تیمێ دیاركر، پێخوەشحالین یاریزانێن تیما مە یا لاون شیا ل دووڤ پلان و ئارمانجا مە رێزا ئێكێ بهێن و ناسناڤێ قۆناغا دویێ یا قارەمانییا ئیراقێ ب دەستڤە بینن ب جووداهییا دو خولەكان پێشكەڤن ل سەر یانەیا سیناعە ئەوا د قۆناغا ئێكێ دا یا ئێكێ هاتبوو، بەریكانە ل سەر ئاستێ لاوان كت بۆ هەموو یاریزانێن یانەیان ب درێژاهییا 40 كیلۆمەران بڕێڤەچووینە
دیسان بۆ بەریكانەیا كت یا یاریزانێن گشت یانەیا ل سەر ئاستێ تازەپێگەهشتی و پشكۆژان ب درێژاهییا 40كم عەبدولرحمان شیڤان ئەكەرم رێزا سێیێ، عەلی شیڤان ئەكەرم و ژێهات زهێر خاتۆ رێزێن نەهێ و دەهێ هاتن.
هەروەسان ناڤهاتی گۆت: پێخوەشحالین مە تیمەك بۆ پاشەرۆژا یانەیێ بەرهەڤكریە و پشكداری كرییە كو ل سەر ئاستێ پشكۆژان، سەرباری رێزێن پێشیێ نە هاتبوون لێ شیابوون هەڤڕكییەكا باش بكەن تایبەت هەردو یاریزان سەنەر هێرش رەجەب و وەیسەل بێوار عەبابەكر، دگەل پشتەڤانییا بەردەوام یا كارگێرییا یانەیێ گەشبینن دێ بیتە بەردەوامی دان ل سەر چێكرن و دانانا پلانێن سەركەڤتی بۆ دروستكرن و پێشێخستنا وەرزشا یارییا پایسكلان ل پارێزگەها دهۆكێ.
بۆ زانین ل سەر هەموو ئاستێن جودان، پێشكەفتی، لاوان، تازەپێگەهشتی و پشكۆژ و كچان ب پشكدارییا 36 یانەیێن ئیراقێ و هەرێما كوردستانێ دهاتنە كرن، تاكە یانەیا پارێزگەهێ تازەپێگەهشتی، پشكۆژ و لاوێن دهۆكێ پشكداربوون ئەوێن د قۆناغا ئێكێ دا شیاین رێزا دویێ و سێیێ ب دەستڤە ئینابوون، هەروەسان یاریزانێ پشكۆژێ دهۆكێ عەبدولرەحمان شیڤان ئەكرەم ل سەر ئاستێ تاك ناسناڤ دەستڤە ئینایە.
ژلایەكێ دووڤە تارق سەعید دیار كر تیما پایسكلڤانێن دهۆكێ یا لاوان بۆ وەرزێ ئەڤ سالە ڕژدن هەڤڕكیێ ل سەر ناسناڤی بكەن و بڕیارە بۆ قۆناغا سێیێ و پێشبینی دهێتە كرن ل پارێزگەها دهۆكێ بیت رێزبەندییا خوە یا ئێكێ پارێزین و گۆت: یاریزانێن پشكدار هەر ئێك ژ یوسف جیهاد، محەمەد سادق نوری، ئیهاب عومەر، ئارام سەباح، ئاڤەند هشیار فەریق و عیسام عەلی، گەشبینن بۆ ڤێ قۆناغێ یاریزانێن مە شیانێن مەزن هەنە بۆ پاراستنا بەرگێریكرن ژ پاراستنا ناسناڤێ خوە یێ لاوان ل سالا بۆری.
