كەیفخۆش دبم دەمێ خەلكەك كۆمێنتێن جوان بۆ من دنڤیسن
سندس سالح سلێڤانەیی:
بهار نامق، خانمەكا خەلكا دهۆكێ یە، بكارهێنەرەكا دیارا سۆشیال مەدیایێ یە، د دیدارەكێ دا بۆ رۆژنامەیا ئەڤرۆ دبێژیت: ژبەركو من كارێ میكئاپێ دكر و هەڤژینێ من ژی كەسەكێ بەرنیاسێ سۆسیال مەدیایێ بوو، ئەو ژی پشتەڤان بوون، لەورا من ژی دەستپێكر و ئێدی خەلكەكی پرسیار ل دۆر جۆرێن میكائاپی و چاوانیا بكارئینانا وان، هەروەسا رەنگێن پرچێ ژمن دكرن و من ژی بەرسڤێن وان ددان و خۆشحالم بڤێ رێكێ بشێم خزمەتێ بكەم.
هەروەسا گۆت: هەر كارەكێ مرۆڤ بكەت ل دەستپێكێ كاریگەری دێ ل سەر ژیانا مرۆڤی هەبیت، لەورا دڤێت خوە راگریت و قوربانیێ بۆ بدەت، دا بشێت رێكخستنەكێ بۆ ب رێڤەچوونا ژیانا خوە یا رۆژانە دانیت، هەروەسا ژبەركو ئەز دایكم و من دو زارۆك هەنە بزاڤێ دكەم دەمێ دچم ریكلامەكێ چێكەم كارتێكرن ل وان نەبیت، هەروەسا هەر ریكلامەكێ ئەز ژدل چێدكەم دا باوەریا خەلكی بۆ خوە هەروەسا ئەو ریكلاما ئەز چێدكەم هەبیت، جارەكا دی دێ بێژم پشتەڤانیا خێزانێ ب تایبەت ژی یا هەڤژینێ من پالدەرەكێ بهێز كو ل سەر كارێ خوە یا بەردەوامم و گەلەك كەیفخۆش دبم دەمێ خەلكەك دەستخۆشیێ ل من دكەن و كۆمێنێت جوان بۆ من دنڤیسن.
