دەمێ خەلكی مەفرەزەیێن پێشمەرگەی دیتین گەلەك كەیفخۆش بوون
دیدار، سالار محەمەد دۆسكی
4 – 4
ناڤبری گۆت: دژیانا خوە دا بۆ شەهید بوونا هەڤالێ خوە (سەعدی) گەلەك عاجزبووم و ئەو هەیڤەك ب بوو بوویە بەرپرسێ رێكخراوێ وێ شەڤێ هاتبوونە بارەگایێ لقێ و مە ژوورا خوە بۆ ئەوان بەردان و مە گۆتە پێشمەرگێن خوە ئەوێن نەهێنە هێرشێ مە گۆتێ هوون دارا بدەنە سوپێ بۆ سوپێ هەل كەن و زێرەڤانیێ بگرن و ئەڤێن دێ چنە چالاكیا لەشكەری بلا بخوە بنڤن و بهێنڤەدانا خوە بكەن وی دەمی ئەژی مامە شپێرڤە و كاك (سەعدی) گۆت مام دێ وەرە توژی جهێ خوە ل جهەكی بكە من گۆتێ خوشە دێ ل ڤێرە بم و من گۆتێ جهێ تەنگ و گۆت بخودێ دێ هێ یە دەف من و گۆت دیتنا من و تە ئەف شەڤە یە و من گۆتێ تە خێرە بۆچی وە بێژی؟ گۆت دێ ل بەرتنشتا من بی و ئەزێ بینم دیتنا من و تە ئەف شەڤە یە وەك پێشت من ئاماژە پێكری ئەو هەیڤەك بوو بوویە بەرپرسێ رێكخراوێ و ئەو ل دێرەلوكێ شەهید بوو و چەندین بەرپرسێن رێكخراوا شەهید بوون و پێشتر گەلەك هەڤالێ من بوو و ژ بەر گۆتنێن ویێن وێ شەڤێ ئەز گەلەك عاجزبووم.
ل دۆر هەوا ئەنفالێن رەش ژی هەمان پێشمەرگەی گۆت:
دەمێ هەوا ئەنفالێن رەش ل سالا 1988ێ دەست پێكرین ئەم هەر ل بارەگایێ لقا ئێك بووین وی دەمی بەرپرسێ لقێ (رەمەزی شەعبان) بوو دووڤ دا زیكا چوو ئیرانێ و (فوئاد میرانی) ئەندامێ لقێ بوو و كەڤنتر بوو و ئەوی لق ب رێڤە دبر و بریار هاتەدان بەردەین چونكە دەنگۆیێ هاڤێتنا كێمیاوی ل دەڤەرێ هەبوو و نامەك گەهشتێ كو بەرەف سنوری بچین چونكە حوكمەتا ئیراقێ دێ كێمیاوی هاڤێت و ئەگەر ئەو بوو شەرێ ئیراق و ئیرانێ و دانوستاند بوون و دووف دا ئیراقێ بریار دا هێرشی مللەتێ كورد بكەت ل دەڤەرێن ئازادكری و شەرێ ئیراق و ئیرانێ هاتە راوستاندن بوو و خێزانا من ل بەر ئاڤێ بوو و پێشمەرگێن لقێ زێدەتر خێزانێن وا ل دەڤەرێ بوو و ئێكمالێ بوون و فوئاد میرانی گۆتە من زارۆك و خێزانێن تە ل كیڤە نە؟ من گۆتێ ل بەر ئاڤێ گۆت هەرە ببە بێتكار و وەر بگەهە مە و هاتم من خێزان و زارۆكێن خوە برنە بێتكار و ل جهەكی بێژنێ زێوكا و زێدەتر مالێن مە ل وێرێ بوون و هەتا گەهشتیمە وێرێ خەلكی وێرێ ژی بەردا و بەرەف سنوری چوون و من گەهاندە سنوری و دووڤ دا من تڤنگا خوە هەلگرت و چووم و من كاك (جەمیل) دیت گۆت خێرە من گۆت دێ چمە لقێ و كاك فوئاد گۆتیە وەرە دەف مە وی ژی گۆت ئەز هندی لێدگەرم نوزانین لق كیڤە چووینە و بێ هیڤی بووینە و ئەم زڤرین و ئەم ماینە ل سەر سنوری و حوكمەتا توركیا نەهێلا ئەم بچینە ناف ئاخا توركیا و گۆت چ فەرمانێن هاتنا هەوە بوومە نەهاتینە و دووڤ دا توركیا فەرمان دا كو دێ مە وەرگرت و ب بۆچوونا من ئەڤە ژی بۆ گڤاشتنێ، وەلاتێ بریتانیا ڤەدگەریت چونكە ئەندامەكێ پەرلەمانێ توركیا ناڤێ وی ل بیرا من نەمایە و ئەوی پەیوەندی ب وەلاتێ بریتانیا كر و بابەتێ مە كوردان ل دەڤەرێ شرۆڤەكر و دووڤ دا ئەف بریارە هاتەدان و دووڤ دا حوكمەتا توركیا ئەو ئەندام پەرلەمانێ كورد كوشت و دەرمانەك دایێ و نەهێلا بمینتە دژیانێ دا و ئەوی گەلەك بزاڤبوومە كرن و شەهید بوونا وی ئەم ئەگەر بووین، دووف دا ئەم برینە كەمپا موشێ و گەلەك بەفر هاتبوو و گەلەك صار بوو و شەرەكێ دەروونی ل گەل مە كر و گەلەك یزعاجا خەلكێ مەكر و ژژوانا دار نەدانا مە ئەم ب سوژین و هندەك بەردانە مە و ئاگر بەر نەبوو و خوپیشاندان چێبوو و حوكمەتا تركا چەك بەرامبەر ب كارئینا و كەمپا دیاربەكر هر رۆژا ئێكێ خەلكێ وێ دەڤەرێ گۆتە حوكمەتا توركان خەلكی ئازاد بكەن و ئەف تشتێ هوون دەنە خەلكی تێرا وا ناكەت و رێكێ بدەنێ بلا خەلك بخوە كار بكەت و مە ژی دیفچوون كر وبۆچی ل كەمپا دیاربكەر خەلكێ مە چیتە سەر كاری بۆچی هوون مە ژی ئازاد ناكەن ئەم ژی بخوە ل كارەكی بگەرین؟ وی بەرپرسێ توركیا گۆت خەلكێ دیاربەكر و حوكمەت ل بەر ئێك و دو دراوستیاینە بەلێ موشێ خەلكێ مە یێ دخەوە و حوكمەتێ كونترول ل سەر هەیە و دووف دا خوپیشاندان هاتەكرن و كەسەكێ دوسكی ژووری بریندار بوو و گەهاندە ئەنقرە لێ شەهید بوو وی دەمی ل دیاربەكر بووم من گۆتێ شاشیەكا مەزن بوو هەوە ئەنجامدایی ب ئەنجامدانا خوپیشاندانێ و هەوە بەرێ خودایە باژێری بێژنێ دێ چینە روسیا رەنگە رێك ب هەوە هاتبادان، ئەم كومبووین و مە هزر ل وێ چەندێ كر كو ئێدی ژر خوارنێ دوور بكەڤین و خوارنێ نەخوین و رۆژانە چەند پیكەمێن نانی بوومە دهاتن و دیسا مە گۆتە خەلكی ئەگەر سەرێ هەیڤێ ئەرزاق هات نە وەرگرن و زێدەتر ئەڤە هزرا مە بوو و من گۆتێ ئەگەر ئەف هزرە نەهێتە جێبەجێكرن باشترە ئەم بێژین دێ چینە روسیا و مە دەست ب جێبەجێكرنا هزرا خوە كر و مە گۆتێ ئەڤان دو رۆژان بخوە نانی وەربگرن و عومبار بكەن چونكە ئەم دێ دەست ب جێبەجێكرنا پلانا خوە كەین و پشتی دو رۆژا نان هات و كەسەك نەچوون و پێشتر وەك نان دهات سرا بوو و دەمێ هاتی كەسەك نەچوویێ و پیكەم گەلەك گەریان دناڤا كەمپێ دا و گازیكرن وەرن سەمونا وەربگرن و كەسەك نەچوو و بابەت گەهشتە بەرسێ توركا ل كەمپێ و بزاڤ هاتنەكرن ل گەل نوونەرێ مە با ئاخڤیت كو كەسەكێ نێروەیی بوو و زمانێ توركیا باش دزانی و ئەو ژی دەرنەكەفت و گۆت نەشێم بهێم و دێ خەلكێ مە مە دەتە بەر بەرا و هوسا پلان هاتبوو دانانا كو كەسەك ل گەل نەئاخڤیت و چەند مرۆڤەكێن ناڤ بسال ڤە چوویی گۆتنێ ئەم چل نانی بكەین هەوە ئەم ژ سارمادا كوشتین و ئەڤە بوو ئەگەر دەڤەردارێ موشێ هات و ئەڤ بابەتە دناڤبەرا قونتەرچی و بەرپرسێ كەمپێ و دەڤەرداری یە و دەرڤەردار هات و ل گەل خەلكی ئاخفت و مە گۆتێ هەوە ئەم كوشتین ژ سارمادا و بلا خەلكێ مە ژ برسا ژی بمریت دا بەلا مە و هەوە ژ ئێك ڤە بیت و ڤێجا بۆ لاڤ لاڤا دەڤەردارێ دەڤەرێ و گۆت نانی وەربگرن و سوزبیت تشتێ هەوە بڤێت وەكی هەوە بكەم و مە گۆتێ ل دەسپێكێ دڤێت هەر مالەكێ كومەكا باش یا بەرێن ئاگری و دارا نەدەیێ ئەم نانی ناوەرگرین و پەیوەندی ب قونتەرچی كر و گۆتێ دارێن باش بینە و دەركەفت ئەو و قونتەرچی شریك بوون و دگۆتە حوكمەتێ ئەم دارا دەینێ و هەر تشتەكێ پێدڤی پێ هەبیت ئەم دەینێ و مە گۆتێ نەبتنێ بۆ جارەكێ بیت بەلكو دڤێت بەردەوام هوسا هاریكاریا خەلكی بهێتەكرن و نەهێنە پشت گوه هاڤێتن و دەڤەرداری گۆت سوزبیت بەردەوام هاریكاری یا هەوە بهێتەكرن.
هەمان پێشمەرگەی گۆت: ل سالا 1992 پشتی سەرهلدانا سالا 1991 ئەم ڤەگەریاینە كوردستانا ئازاد و شەرێ داعش ژی پشكداری تێدا من كر وی دەمی ل گەل (زەعیم عەلی) بووم.
ل دووماهیێ هەمان پێشمەرگەی گۆت: پێشمەرگە ب گشتی و پێشمەرگەیێ سەركردایەتی یا بەروەخت تایبەتی لاوازترین و بێ خودانترین كەسە و پێدڤی یە پشت گوه ڤە نەهاتبنە هاڤێتن و كەسانێن ماندیبوون دیتی نەهێنە ژبیركرن و دڤێت مافێن وان بهێنەدان و هەر ئێك لدووڤ زەحمەتا وی بهێتەدان.
