ژیان ل سەر دەمێ ژیریا دەستكرد ل ناڤەندا خانی هاتە بەحسكرن
سندس سالح:
ناڤەندا خانی یا رەوشەنبیری و راگەهاندنێ/پشكا رەوشەنبیری دوهی 7/5 سمینارەك ل ژێر ناڤێ (ژیان ل سەر ددەمێ ژیریا دەستكرد) بۆ پرۆفیسۆر(د: نەزاكەت حسێن) ل هولا ناڤەندێ ل ئاڤاهیێ تەلەفزیۆنا دهۆك رێكخست و پەرتووكەكا وێ یا نوو ل ژێر ناڤێ (چارەنڤیسێ ژیانێ ل سەر دەمێ سۆشیال میدیایێ و ژیریا دەستكرد) ب دیاری ل سەر بەرهەڤبوویان هاتە بەلاڤكرن.
ل بەراهیێ پرۆفیسۆر(د: نەزاكەت حسێن) كو ئەنداما بەشێ رەوشەنبیری و راگەهاندنا پارتی دیموكراتی كوردستانە، چەندەكێ بەحسێ ژیریا دەستكرد و كارتێكرنا وێ ل سەر دەمێ سۆشیال میدیایێ دا كر و سوپاسیا رۆژنامەیا ئەڤرۆ و نڤیسەر و رۆژنامەڤان (شێرزاد نایف) كر كو ب كارێ وەرگێڕانا پەرتووكا وێ رابوویە ژ سۆرانی بۆ كرمانجی و گۆت دەمێ من پەرتووكا خوە ب كرمانجی دیتی هەستەكێ گەلەك خۆش بۆ من چێبوو.
د دووڤدا نڤیسەر و رۆژنامەڤان (شێرزاد نایف) كو نوكە بەرپرسێ بەرپەرێن (بۆچوون)ە، ل رۆژنامەیا ئەڤرۆ بەحسێ گرنگیا وەڕگێڕانا ڤێ پەرتووكێ كر و گۆت: ل دەستپێكێ خانم نەزاكەتێ ئەڤ گۆتارە ب سۆرانێ بۆ رۆژنامەیا ئەڤرۆ دهنارتن و پشتی ژلایێ منڤە دهاتنە كرمانجیكرن ل رۆژنامێ دهاتنە بەلاڤكرن و ژبەر گرنگیا وێ مژارێ كو ئەو ژی (ژیریا دەستكردە) من بگرنگ زانی هەموویان د پەرتووكەكێ دا كۆمبكەم و دانمە بەردەستێن خواندەڤان و ئەز ڤێ چەندێ ب شانازی دبینم كو ب كارێ وەڕگێرانا وێ پەرتووكێ رابوویم.
