كاریگەریا جەنگا د ناڤبەرا ئیسرائیل و ئیرانێ دا ل سەر رەوشا ئابووری یا هەرێما كوردستانێ
عومران نێروەیی
جەنگا د ناڤبەرا ئیرانێ و ئیسرائیلێ دا؛ چەندین كاریگەریێن بەرچاڤ ل سەر ئابوورا هەرێما كوردستانێ هەنە و ژ گەلەك رۆیان ڤە، ب تایبەت ژ رویێ نەفتێ و گازئ ڤە، چونكی هەرێما كوردستانێ پشتبەستنەكا ئیكجار زۆر ل سەر داهاتێ نەفتێ دكەت و بەرهەمئینان و هناردەكرنا وێ.
ئەڤ جەنگا ل رۆژهەلاتا ناڤەراست دێ بیتە جهێ هندێ كو ئالۆزی و گرژی دروست ببن، ئەڤێ چەندێ ژی كارتێكرنێن مەزن یێن نەرێنی ل سەر گوهۆرینا نرخێ نەفتا جیهانێ دا هەنە، دبیت گوهۆرین د نرخئ نەفتێ دا بلندبوونەكێ بخۆڤە بگریت، ئەڤ بلندبوونا د نرخێ نەفتێ دێ د بەرژەوەندیا هەرێمێ دابیت بۆ ماوەكی كورتخایەن دا.
بەلێ د هەمان دەم دا جەنگەك دشێت ببیتە ئەگەرێ دروستبوونا نەسەقامگیریێ ل دەڤەرێ، كو ئەڤ چەندە ژی ژ كاریگەریێن نەرێنینە لسەر دەڤەرێ ب تایبەت بازرگانی و وەبەرهێنانێ.
هەرێما كوردستانێ پەیوەندیێن ئابووری یێن بهێز هەنە د گەل دەولەتێن جیران وەك توركیا ئو ئیران، دبیت ئەڤ جەنگە ببیتە ئەگەر كو ئالوگۆریێن بازرگانی سست ببن، و ئالۆزی بكەڤیتە د ناڤ دا، بیگومان ئەڤ چەندە ژی دبیتە زیانەك كو ب داهات و ژێرخانا ئابووری یا هەرێمێ بكەڤیت.
هەروەسا ئیك ژ گرنگترین دەرتەنگیان ل بن كۆنترۆلا ئیرانێ دایە كوریكەكا هەرەگرنگا ستراتیژیین ئاڤێ یە ئەوژی دەرتەنگێ هورمزە نێزیكێ٣٠٪ نەفتا بازرگانیا هەمی جیهانێ و سیەكا گازا سروشتی ب رێكا ئەڤێ دەرتەنگێ ڕا دەرباز دبیت، نەچاركرنا ئیرانێ د گرتنا دەرتەنگی هورموزدا د ڤێ جەنگێ دا دێ كاریگەریێن ئێكجار مەزن ل سەر ئابوورا جیهانێ هەمی هەبن و بتایبەت ئیراق و هەرێمێ، ژبەركو نێزیكی٩٠٪ نەفتا ئیراقێ د ڤی دەرتەنگێ ڕا دەربازدبیت، ئەگەر هاتو ئیران بریارێ ل سەر گرتنا ڤێ دەرتەنگێ بدەت، دی گورزەكێ مەزن ب ئابوورا وەلاتێن عەرەبی كەڤیت، هەروەسا وەلاتێن ئەورۆپی دێ ژ پەترۆل و گازێ هشك بن و وەلاتێن پێشەسازیێ دێ ب ئیفلاس كەڤن و رادەیێ ڤێ كاریگەریێ بەندە ب ماوەیێ ڤی جەنگێ ڤە و توندیا وێ و جیهان هەمی ژ ڤێ چەندێ د ترسێ دایە، چونكی بۆ دەرئێخستنا بریارا گرتنا ڤێ دەرتەنگێ ئیران د دانوستاندنان دایە.
