كورد ژ هه‌ڤپه‌یمانیا وه‌لاتێن عه‌ره‌بی دترسن!
هه‌ڤپه‌یمانیا وه‌لاتێن عه‌ره‌بی ب سه‌رپه‌رشتیا سعوودیا ل ده‌ڤه‌را رۆژهه‌لاتا ناڤین، بریاره‌كا چاڤه‌رێكری بۆ ژ ئه‌نجامێ ئه‌و هه‌ره‌شه و مه‌ترسیێن شه‌ڕ و ململانێیا سیاسی ل ده‌ڤه‌رێ، ب تایبه‌تی ب سه‌رپه‌رشتیا نه‌راسته‌وخوه یا ئیرانێ ده‌ستكاری و مایتێكرنا وێ دكاروبارێن ده‌وله‌تێن عه‌ره‌بی دا، ئه‌ڤه نه‌ب تنێ جهێ ترس و دو دلییا وه‌لاتێ عه‌ره‌بستانا سعوودیێ بوو، به‌لكۆ هه‌می وه‌لاتێن عه‌ره‌بان و رۆژئاڤایێ ب گشتی ترسه‌كا مه‌زن هه‌بوو ژ داگیركرنا ئیرانێ بۆ سه‌ر ده‌ڤه‌رێ و تێكدانا به‌رژه‌وه‌ندێن وان و گه‌رمكرنا كین و دۆبه‌ره‌كیا مه‌زهه‌بی، ئه‌ڤه ژی ب تنێ چارچووڤێ یه‌مه‌نێ دا نابیت، به‌لكو دێ هێته ڤه‌گوهاستن بۆ وان وه‌لاتێن دی وه‌كو كێشا یه‌مه‌نێ لێ هه‌یه چی عیراق بیت یان سووریا بیت، یان لبنان بیت یان پاكستان بیت.
مه‌به‌ست ژ هه‌ڤپه‌یمانیا عه‌ره‌بی ب پلائێكێ ئه‌ڤرۆیه وه‌ك ناڤونیشان، به‌لێ بێ گۆمان ئه‌ڤ هه‌ڤپه‌یمانیه دێ ل گه‌له‌ك وارێن دی دا كاریگه‌ریا خوه هه‌بیت ل سه‌ر زۆربه‌یا هه‌ره زێده‌یا كێشه‌یێن ده‌ڤه‌را رۆژهه‌لاتا ناڤین و پێشبینی دهێته كرن ئه‌ڤ هه‌ڤپه‌یمانیه به‌رفره‌هتر ببیت و توركیا و پاكستان و.. ژی بكه‌ڤنه تێدا، ل ڤێ ده‌ڤه‌رێ ژی كۆمه‌كا كێشه و گرفتێن كه‌ڤنارێن نه‌ته‌وه‌ی و ئاینی و جوگرافی و ئابووری. .. هه‌نه، جهێ نه‌ئارامی و مه‌ترسیێ بووینه.
ئه‌ڤه ژی ڤه‌رێژا چاره‌سه‌ریا نه‌عادیلانه‌یا روونشتنێن سایكس ـ پیكۆ و لۆزان.. . ، و كێشا كوردی ئێك ژ كێشه‌یێن هه‌ره كه‌ڤن و بێ چاره‌سه‌ری مایه و ژبه‌ر هندێ ئه‌ڤێ هه‌ڤپه‌یمانێ دێ كاریگه‌ریه‌ك مه‌زن هه‌بیت ل سه‌ر كێشا كوردی، چی یا باش بیت یان خراب بیت، ب هه‌ر حال دێ ئێك ژ كێش و دانوستاندنێن ڤێ هه‌ڤپه‌یمانێ بیت د چارچووڤێ عیراقێ دا.
پشتگیریه‌كا مه‌زنه بۆ مانا عیراقێ د چارچووڤه‌یێ ئێكه‌تیا عه‌ره‌بی دا، رێزگرتن و سه‌ركه‌فتنا عه‌ره‌بێن سونه و ئه‌و كێشه‌یێن جوگرافی و سیاسی و ئابووریێن هه‌ین، ئه‌ڤه ژی بێ گۆمان دێ كاریگه‌ریێ ل سه‌ر ره‌وشا كوردستانێ ب گشتی كه‌ت، نه‌خاسمه پاشی ئه‌و سه‌ركه‌فتن و ده‌ستكه‌فتیێن ب ده‌ست ملله‌تی ڤه هاتین ئه‌ڤه ژ سالا 1991 ێ تا ئه‌ڤرۆ، كو نیمچه كیانه‌كی سه‌ربخوه ل كوردستانێ هاتیه بده‌ستڤه‌ئینان.
ئه‌ڤ چاره‌سه‌ری و پێشڤه‌چوونا ئه‌ڤرۆ یا كوردستانێ ژ ئه‌نجامێ خه‌بات و به‌رخوه‌دانا گه‌لێ كوردستانێ و بزاڤا سیاسیا وێ بوویه و 80% ێ ژ ئه‌نجامێ درندایه‌تی و كار و كریار و شاشی و بێ تفاقییا رژێمێ و وه‌لاتێن عه‌ره‌بی ب شێوه‌یه‌كی گشتی بوویه و ئه‌ڤه ده‌لیڤه‌یه‌كا باش بوو، كورد ل سه‌ر شاشی وبێ تفاقیا وان پێگه‌هێ خوه خورت بكن به‌لێ ژ ئه‌نجامێ سیاسه‌تا راست و دورست كوردان شیا پێگه‌هه‌كێ نێڤده‌وله‌تی پێكبینن و راستییا كێشا خوه و زولم وزۆرداریا ب سه‌ری هاتیه گه‌هاندیه جیهانێ نوكه كێشا كوردی ئێك ژ باده‌كێن گه‌ره‌م و ب ب هێزن ل سه‌ر زارێ گه‌ل و ده‌وله‌ت و سه‌رۆكێن ناڤه‌ندێن ده‌وله‌تی هاتیه به‌حسكرن وه‌كو كێشه‌كا ره‌وایه پێدڤی ب چاره‌سه‌ریێ هه‌یه و ده‌نگ و پشته‌ڤانیه‌كا ب هێز یا ده‌ولی دروست بوویه ل سه‌ر كوردستانێ، بۆ هندێ كورد بشێن چاره‌نڤێسێ خوه مسۆگه‌ر بكن ل ئایه‌نده‌ی دا، پێدڤیه كوردستانی ب شێوه‌یه‌كی گشتی كار بكه‌ن بۆ هندێ، د قووناغا داهاتیا پشتی شه‌ڕێ داعشێ چ بۆ كوردان هه‌یه وه‌ك رێكێن چاره‌سه‌ریێ و فشار و ئێكگرتنا كوردستانیان زێده‌تر و ب هێتر بیت ل هه‌مبه‌ر پلان و نه‌خشێن ل دژی كوردستانێ دهێنه دانان و چ مه‌ترسیێن مه‌زن و ترسناك ژی ل سه‌ر كوردستانێ نابیت، به‌لكو ده‌لیڤه‌ك ژی بیت بۆ چاره‌سه‌ریه‌كا سه‌رتاسه‌ری و هه‌ر و هه‌ر درێیا ڤان هه‌ڤپه‌یمانیێن نێڤده‌ولی دا چ هه‌ڤپه‌یمانیا ل شه‌ڕێ دژی رێكخراوا تیرۆرستیا داعشێ هاتیه دروستكرن، نێزیكی (60) وه‌لاتان تێدا پشكدارن، چ هه‌ڤپه‌یمانیا عه‌ره‌بیا نوكه یا ب ناڤێ (عاصفه الحزم)، ژ به‌ر هندێ ئه‌ڤ هه‌ڤپه‌یمانیه دێ زه‌مینه خوه‌شكه‌ره‌ك بیت، بۆ هندێ كێشه‌یێن كوردستانێ بێنه چاره‌سه‌ركرن.
