دو بانكێن دی دێ قەری بۆ دانانا سیستەمێ تێهنا رۆژێ دەنە فەرمانبەران
هەولێر، قائید میرۆ:
ئەندامەكێ پەرلەمانێ ئیراقێ دیار كر، بڕیارە دو بانكێن دی ژی دەست ب دانا قەران بۆ دانانا سیستەمێ تێهنا رۆژێ یێ بەرهەمئینانا كارەبێ بكەن و دبێژیت: دانا ئەڤی قەری دێ كاریگەری ل سەر كەرتێ كارەبێ ل هەرێما كوردستانێ هەبیت.
دكتۆر ئامانج مەحموود، ئەندامێ پەرلەمانێ ئیراقێ بۆ رۆژناما ئەڤرۆ دیاركر، هەتا نها سێ بانكێن ئەهلی قەرێ دانانا سیستەمێ تێهنا رۆژێ بۆ بەرهەمئینانا كارەبێ ددەنە فەرمانبەران و گۆت: «بڕیارە ل رۆژێن بهێن دو بانكێن دی ژی دەست ب دانا قەران بكەن بۆ فەرمانبەران ژ بۆ دانانا سیستەمێ تێهنا رۆژێ، وەلاتی دشێن حەفت ملیۆن دیناران هەتا 30 ملیۆن دیناران وەربگرن، بەلێ بۆ كۆمپانیا و پڕۆژەیان 30 ملیۆن هەتا ئێك ملیار دیناران دشێن وەربگرن».
دكتۆر ئامانج گۆتژی: «هەتا نوكە ب تنێ ب رێیا ئێك كۆمپانی 400 وەلاتیێن هەرێما كوردستانێ ناڤێن خۆ تۆماركرینە و بڕیارە ب رێیا ئەڤان كۆمپانیان قەری بۆ بەرهەمئینانا كارەبێ ب رێیا تێهنا رۆژێ وەربگرن».
