پێدڤیە شێوەكاران هزرێن جودا هەبن
سولین سلێمان:
شێوەكارا گەنج (خاكاو دلشاد) د دیدارەكێ دا بۆ رۆژنامەیا ئەڤرۆ گۆت: حەزژێكرنا من بۆ كارێ هونەری بۆ بەری چەندین سالان دزڤڕیت و ئەز دەرچویا كولێژا هونەرێن جوانم، ئەڤە هەشت سالن ئەز كەڤالان چێدكەم، هەروەسا ماموستایا وانەیا هونەری مە و ل سەر كارێ خوە دێ یا بەردەوامبم، چنكو گەلەك حەزژێدكەم.
هەروەسا گۆت: هەردەم ئەز دبێژم پێدڤیە شێوەكاران هزرێن جودا هەبن بۆ چێكرنا كەڤالێن سەرنجڕاكێش، بۆ زانین هەتا نوكە من (16) پێشانگەهێن تایبەت ڤەكرینە و هندەك كەڤالان ئەز د رۆژەكێ دا ب دووماهی دئینم و هندەكان ژی د دو هەتا سێ رۆژان دا، ئەو ژی ل دووف قەبارە و رەنگێ كەڤالی دمینیت و ئەز سوپاسیا خێزانا خوە دكەم كو گەلەك پشتەڤانێن منن، ب تایبەت ژی دایكا من و ل دووماهیێ دخوازم ژنوكە وێڤە پتر گرنگیێ ب كەسێن بەهرەمەند بدەن و پشتەڤانیا وان بهێتە كرن.
