حكومەتا هەرێمێ پتر ژ 163 پڕۆژەیێن خزمەتگوزاری ل شێخان بجهئیناینە
لەزگین جۆقی:
دەڤەردارێ شێخان راگەهاند، د كابینەیا نەهێ یا حكومەتا هەرێما كوردستانێ دا باشترین خزمەت بۆ خەلكێ شێخان هاتینە پێشكێشكرن و دبێژیت: ب گوژمێ 260 ملیار دیناران پتر ژ 163 پڕۆژەیێن خزمەتگوزاری هاتینە چێكرن.
سەردار یەحیا، دەڤەردارێ شێخان بۆ رۆژناما ئەڤرۆ گۆت: «دەڤەرداریا شێخان د بەرفرەهبوونێ دایە و حكومەتا هەرێما كوردستانێ باشترین خزمەت بۆ دەڤەرداریا شێخان كرینە، بۆ نموونە: پڕۆژەیێ چێكرنا جۆتسایدێ شێخان بۆ لالشێ، كو جهەكێ ئایینی و شوونواری و دیرۆكیێ گرنگە، دیسا كابینەیا نەهی چەندین پڕۆژەیێن دی ل شێخان ئەنجامداینە».
