وەلاتێن پێشكەفتی دشێن ب رێیا درامایێ پەیاما خوە بگەهینن
سۆلین سلێمان:
شانۆڤان (هونەر حەسەن) كو خەلكێ پارێزگەها سلێمانیێ یە، د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ ئەكتەریێ دكر و پشتی دەلیڤە هاتی من دەستپێكر و هەتا نوكە وەكو ئەكتەر من پشكداری د هژمارەكا شانۆگەری و درامایان دا كریە و من ل بەرە هندی دژیانێ دا مابم و من شیان مابن دێ یێ بەردەوامبم.
هەروەسا گۆت: جهێ خۆشحالیێ یە كو نوكە بەرهەمئینانا فلم و شانۆ و درامایان د زێدەبوونێ دایە و هیڤیا من ئەوە هەرا بەردەوام بیت و پتر پشتەڤانی ل كارێن هونەری بهێتە كرن، لەورا دخوازم ئەو كەنالێن درامایێن بیانی نیشا ددەن ل جهێ وان درامایێن كوردی نیشابدەن، چنكو وەكو مە گۆتی مە دراما و ئەكتەر و دەرهێنەرێن باش هەنە، راستە پشتەڤانیا درایی ژی وەكو پێدڤی نینە، لێ دڤێت كاروانێ هونەری یێ بەردەوام بیت و پتر پێشبكەڤیت، چنكو ل وەلاتێن پێشكەفتی دشێن ب رێیا درامایێ پەیاما خوە بگەهینن.
