من دڤێت كەڤالێن من ل پێشانگەهێن نێڤدەولەتی بهێنە نیشادان
هیڤی كەریم:
شێوەكار (یوسف مشەختی) كو خەلكێ باژێرێ ئاكرێ یە و نوكە قوتابیە ل قوناغا سێیێ ل پشكا شێوەكاری ل كولیژا هونەرێن جوان، د دیدارەكێ دا بۆ رۆژنامەیا ئەڤرۆ گۆت: حەزژێكرنا من بۆ كارێ هونەری بۆ بەری چەندین سالان دزڤڕیت، لەورا ئەڤە هەشت سالن ئەز ب شێوەیەكێ ئەكادیمی دبۆارێ هونەری دا خوینم، پێنج سالان ل پەیمانگەهێ و ئەڤە سێ سالن ژی ل كولیژێ و پشتی دەرچۆنێ من دڤێت ب شێوەیەكێ ئەكادیمی كاربكەم و كەڤالێن من ل پێشانگەهێن نێڤدەولەتی بهێنە نیشادان، كو پتریا كارێ من گرێدای كلتۆرێ كوردی نە.
هەروەسا گۆت: ئەڤ شێوازە من هەلبژارتیە ژبەركو هونەر زمانێ مللەتایە و من ژی دڤێت خزمەتا كلتۆر و زمانێ كوردی بكەم، بۆ زانین من مالا خوە یا كەڤن ل ئاكرێ ب وێنە و كەڤالان خەملاندیە و نوكە بوویە جهەكێ جوان و گەلەك خەلك ب تایبەت ژی گەشتیار سەرەدانا خانیێ من دكەن و وێنە و ڤیدیۆیان بۆ دگرن، ژبەر هندێ هونەر ئێك ژ بناغەیێن گرنگە بۆ هەر وەلاتەكی، لەورا دخوازم گرنگیەكا زێدەتر ب هونەرمەند و كارێن هونەری بهێتە دان و فەستیڤال و پێشانگەهێن هونەری ل هەموو باژێر و قەزا و ناحیان بهێنە گێڕان، دا بشێین پتر زمان و هونەر و كلتۆر و خەباتا خوە نیشا خەلكێ جیهانێ بدەین.
