دێ باشتر بیت هەكە هەموو شێوەكار وەك ئەكادیمی هونەرێ بخوینن
بێوار حەمدی:
شێوەكار (سیپان سەباح) د دیدارەكێ دا بۆ رۆژنامەیا ئەڤرۆ گۆت: پشتی من پەیمانگەها هونەرێن جوان ب دووماهی ئینای، ئەز چوومە كولیژا هونەرێن جوان/ پشكا شێوەكاری و نوكە ژی ئەز قوتابیمە و حەزدكەم ب شێوەیەكێ ئەكادیمی بخوینم و فێرببم، دا پتر د هونەرێ شێوەكاری دا شارەزا ببم، ژبۆ هندێ دا خزمەتا هونەرێ كوردی بكەم.
هەروەسا گۆت: پتری كەڤالێن ئەز چێدكەم گرێدای ژیواری نە و هەتا نوكە من پشكداری د هژمارەكا پێشانگەهێن هەڤپشكدا كریە، لێ هەتا نوكە دەلیڤە نەهاتیە پێشانگەهەكا تایبەت ب خوە ڤە ڤەكەم، بەلێ ب پشت راستیڤە ئەو چەندە دێ هەبیت و ب دیتنا من دێ باشتر بیت هەكە هەموو شێوەكار وەك ئەكادیمی هونەرێ شێوەكاری بخوینن، چنكو هونەرێ ئەكادیمی بیروبۆچۆنێن هونەرمەندی دیار دكەت و بەرۆڤاژی ڤێ چەندێ وێنەی گەلەك ڕامان تێدا دیاردبن، ژبەركو گەلەك هزر تێدا نەهاتیە كرن.
