بەرپرسێ لقێ 18 یێ پارتی: پارتی پشتگەرما جەماوەرێ خوەیە
ئامێدیێ، مەحمود نهێلی:
بەهرام عریف یاسین، بەرپرسێ لقێ 18 یێ پارتی ل ئامێدیێ دیار كر، پارتی هەموو دەمەكی پشتا خوە ب جەماوەرێ خوە گەرم كریە و دبێژیت: ئەم د پشتراستین جەماوەرێ مە بەردەوام پشتەڤانێن پارتیا خوەنە.
ناڤهاتی گۆت: «پارتیا مە خودان دیرۆكەكا پڕی سەروەری و قوربانی دانە و خودانا خۆ و سەرۆك بارزانی یە، كو كەسەكێ دووربین و شارەزا و خودان بۆچوونە و بۆچوونا وی ل سەر ئاستێ ناڤخوەیی و نێڤدەولەتی رۆلێ خوە هەیە».
بەرپرسێ لقێ خویا ژی كر، ئەو پشتڕاستن خەلكێ وان دێ ل دۆر پەیاما پارتی كۆم بن و وەكو هەموو جارێن دیتر دێ باوەریێ دەنە پارتیا خوە، داكو بەردەوامیێ بدەتە خەباتا خوە یا كوردایەتیێ و گۆت: «هیڤیخوازین هەڤال و كادر و بەربژارێن مە ب رەنگەكێ ئەكادیمیانە رەفتارێ بكەن و بزاڤێن ئێك و دو شكاندن و ناڤزڕاندن نەهێتە كرن و نەبنە ئەگەرێ سەرئێشێ بو دەورۆبەرێن خوە، خەلكێ مە ل سەر بنیاتێ هزر و خەبات و قوربانیدان و دروستكرنا ئەڤرۆ و پاراستنا دەستكەفتان و پاراستنا ئارامیا خەلكی و هیڤی بۆ داهاتی دێ دەنگێ خوە دەنە پارتی».
