زانكۆیا زاخۆ دێ نۆشدارێن دلی كۆمكەت
زاخۆ، دلۆڤان هالۆ:
دكتۆر نەوفەل ڕەشید، ڕاگرێ كۆلیژا نۆشداری ل زانكۆیا زاخۆ بۆ ڕۆژناما ئەڤرۆ دیاركر كو كۆلیژا نۆشداری ل زانكۆیا زاخۆ ل ژێر درووشمێ «زاخۆ كلیلەكە بۆ ساخلەمیا دلی ل ئیراقێ» دێ چالاكیەكا ساخلەمی ئەنجام دەت، كو ژ چەندین سمینار و وانەیێن تایبەت ب نەخۆشیێن دلی ڤە پێك دهێت و دبێژیت: نۆشدارێن تایبەتمەندێن دلی ژ باژێڕێن جودا یێن كوردستانێ و ئیراقێ دێ تێدا پشكدار بن.
ڕاگرێ كۆلیژا نۆشداری ل زانكۆیا زاخۆ، ئاماژە ب وێ چەندێ ژی كر كو ئەڤ چالاكیە ئەڤرۆ 9/10/2025 ل كۆلیژا نۆشداری ب ئامادەبوونا بۆردا كوردستانی، زانكۆیا دهۆك، زانكۆیا عەین ل ناسریە، زانكۆیا مووسل دێ هێتە ئەنجامدان و گۆت: «ئارمانج ژ ڤێ چالاكیێ دەستنیشانكرنا ئەگەرێن نەخۆشیێن دلی یە و دیتنا ڕێكێن چارەسەیا ئەڤان نەخۆشیانە».
