زانكۆیا ئاكرێ دەلیڤەیا كاری بۆ سێ ئێكەمێن زانكۆیێ ڕاگەهاند
رەمەزان زەكەریا:
زانكۆیا ئاكرێ دەلیڤەیێن كاری بۆ سێ ئێكەمێن زانكۆیێ ل سەر ئاستێ كۆلیژ و پەیمانگەهان ڕاگەهاند.
د. لوقمان سەعید، بەرپرسێ راگەهاندنا زانكۆیا ئاكرێ بۆ زانستێن كرداری گۆت: «وەزارەتا خواندنا بلند و ڤەكۆلینێن زانستی نڤیسارەك بۆ هەموو زانكۆ و پەیمانگەهێن هەرێما كوردستانێ هنارتیە و داخواز ژ وان كریە كو دەرچوویێن ئێك و دو و سێ ل سەر ئاستێ كۆلیژ و پەیمانگەهان یێن سالێن2017 – 2018 هەتا 2024 – 2025 ناڤ و داتا و زانیاریێن خۆ بۆ وەزارەتا خواندنا بلند و ڤەكۆلینێن زانستی بهنێرن».
ناڤبری گۆتژی: «وەزارەتا خواندنا بلند و ڤەكۆلینێن زانستی یا هەرێما كوردستانێ داخواز ژ وەزارەتا خواندنا بلند یا ئیراقێ كریە كو ل بودجەیا 2026 پشكا دەرچوویێن هەرێما كوردستانێ ژی بەردەست بكەت».
