ب گوژمێ پتر ژ دو ملیار دیناران پڕۆژە ل ناوچەداریا كەلەكچی دهێنە بجهـ ئینان
رەمەزان زەكەریا:
د چارچوڤێ ئەنجامدانا پڕۆژەیێن خزمەتگوزاری دا، ل سنۆرێ ناوچەداریا كەلەكچی هەژمارەكا پڕۆژەیێن گرنگ د قووناغا بجهئینانێ دانە.
هەڤال ئاكرەیی، ڕیڤەبەرێ ناوچەداریا كەلەكچی بۆ ئەڤرۆ گۆت: «ل ناوچەداریا كەلەكچی ب گوژمی دو ملیار و 600 ملیۆن دیناران كار ل سەر چەندین پڕۆژەیان دهێتە كرن، ژ وان ژی: ب گوژمێ دو ملیار دیناران كار ل سەر رێكا كەلەكچی یا كەڤن د ناڤ سەنتەرێ ناوچەداریێ دا ب درێژاهیا چار كیلۆمەتران دهێتە كرن، دیسا ب گوژمێ 600 ملیۆن دیناران كار ل سەر رێكێن د ناڤ ناوچەداریێ دا ب درێژاهیا دو كیلۆمەتران دهێتە كرن».
ناڤبری گۆتژی: «ئەو جهێ نوكە كار ل سەر دهێتە كرن ل پیشەسازیا كەڤن یا كەلەكچی دەست پێ د‌كەت هەتا دووماهیكا كەلەكچی، دیسا د پلانێن مە دایە ل دەمێن داهاتی ب گوژمێ ئێك ملیار دیناران پاركەكا مەزن ل كەلەكچی بهێتە دروستكرن».
