ئه‌ڤ ساله وه‌لاتێ ئسپانیا مێهڤانێ فلمه فیستەڤالا دهۆك یا نێڤدەولەتی یه
هه‌رهین محه‌مه‌د:
ئه‌میر عه‌لی، رێڤه‌به‌رێ گشتییێ رێڤه‌به‌ریا ره‌وشه‌نبیری و هونه‌ری ل دهۆكێ سه‌رۆكێ فلمه فیستیڤالا دهۆك یا نێڤدەولەتی گه‌را دوازدێ بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: فلمه فیستەڤالا سینه‌مایی مه‌زنترین چالاكیا كه‌لتوری و هونه‌ری یه ل سه‌ر ئاستێ هه‌رێمێ و ئاماده‌كاریێن مه پێش وه‌خت ده‌ستپێدكه‌ن و بۆ گه‌را دوازدێ ژی ئاماده‌كاریێن باش هاتینه‌كرن بۆ ده‌ستنیشانكرنا فلمان و هه‌ماهه‌نگی ل گه‌ل ژووریان و ئه‌ڤ قوناغه زویكا كارێ خوه دكه‌ن و دیسان هه‌لسه‌نگاندنا گه‌را ده‌ربازبووی و ئه‌ڤ ساله ژی ب فه‌رمی شانده‌ك ژ فلمه فیستەڤالا دهۆكێ پشكداربووین د فیستەڤالەکێ دا ل ئه‌لمانیا و ئه‌م دشێن هه‌ماهه‌نگییێ چێكه‌ین بۆ هندێ سینه‌ماكارێن بیانی بینین و په‌یوه‌ندیان ل گه‌ل وان دروست بكه‌ین و هه‌ردیسان ب چاڤێ خوه هنده‌ك فلم و سینه‌ماكاران ده‌ستنیشانبكه‌ین و به‌رده‌وام دهه‌ماهه‌نگیێ دابین و هنده‌ك ژ وان فلم و سینه‌ماكارێن دیار د لژنه‌یا ژووریا فیستەڤالێ دابن زێده‌تر گۆت: مه ده‌رگه‌هێ وه‌رگرتنا فلمان ل ده‌ستپێكا هه‌یڤا حه‌فت ڤه‌كربوو و سال بۆ سالێ گوهۆڕین ب سه‌ر فلمە فیستەڤالێ دا دهێن و ژلایێ وه‌رگتن و هاتنا فلمان و هاتنا ژوریان و هه‌ردیسان مێهڤانێن مه‌ژی گه‌له‌ك گوهۆڕین ب سه‌ردا دهێن و هه‌روه‌سا دوخالێن سه‌ره‌كی مه هه‌نه و ئاڤاهیێ فیستیڤالێ ل سه‌ر دهێته ئاڤاكرن ئه‌وژی مژارا فیستەڤالێ و یا دووێ وه‌لاتێن مێهڤان و نێزیكی 80% تیشكا مه كه‌فتیه ل سه‌ر وان هه‌ر دوو خالان و ئه‌ڤا مه گۆتی هند ب دووماهی هاتیه و 20% مایه و ئه‌م خوه دگرین پشتی سلكشن كارێ خوه دكه‌ت و پشتی وه‌رگرتنا فلما ب دووماهی دهێت كارێ سلكشنێ وه‌گرتن و ڤاڤارتنا فلمان دهێته‌كرن و دكونفره‌نسێ ئێكێ ئه‌م وه‌لاتێ مێهڤان و مژارێ رادگه‌هیننن، به‌لێ مه پێش وه‌خت ئه‌ڤ هه‌ردوو ته‌وه‌رێن سه‌ره‌كی ل سه‌ر كاركریه و ده‌ستنیشانكرینه و ده‌مێ ئه‌م مژارێ دهه‌لبژێرین ئه‌م گه‌له‌ك پێداچوون و خواندنێ ل سه‌ر دكه‌ین و ئه‌ڤه ژی گوهورینه‌كا دی یه ده‌مێ ئه‌م مژارێ دهه‌لبژێرین و مژارا هه‌ر گه‌ره‌كێ دڤێت تێگه‌هه‌كێ جیهانی بیت و ئه‌و تێگه‌هه بێژیتن كێشه‌یه‌كا جیهانی بیت و بۆ نمونه هه‌كه ئه‌م به‌حسێ گه‌را یازدێ بكه‌ین مژارا وێ یا سه‌ره‌كی كو وه‌رزش بوو ب شتی مه به‌حس لێكربوو كو تێگه‌هه‌كێ جیهانیه و یێن وه‌لاتێن دونیایێ و هه‌موو جڤاك گه‌له‌ك گرنگیێ ب وه‌رزشێ دده‌ن و هه‌كه به‌حس بكه‌ین یاریا ته‌پاپێ دونیا هه‌موو پێڤه مژووله و ئه‌ڤرۆ ئه‌وا وه‌رزش دكه‌ت ڤیانێ و حه‌زژێكرن و خوه‌شێ دناڤ ملله‌تان دا دروست بكه‌ت و وه‌رزش شیایه سنوورێن وه‌لاتان ب دا به‌زینت ئه‌وا كو سیاسه‌تێ نه‌شیایه بكه‌ت و ئه‌و جێوازی و ناكوكیا دناڤبه‌را وه‌لاتان هه‌ی وه‌رزشێ شیایه نه‌هێلیت و ئه‌ڤ تێگه‌هه جیهانی نه، له‌ورا مرۆڤ بخۆ و گوهورینێن دیارن دناڤ فیستەڤالێ دا و بۆ فیستەڤالا ئه‌ڤ ساله مه وه‌لاتێ ئسپانیا ده‌ستنیشانكریه و بۆچی مه ئه‌و وه‌لاته هه‌لبژارتیه، چونكۆ وه‌لاتێ ئسپانیا و لدووڤ ئه‌و خواندنا مه بۆ كری هنده‌ك تشت هه‌ڤپشكن وه‌كو ره‌وشه‌نبیری و كه‌لتوری مه‌هه‌نه وه‌كو یا دیار وه‌لاتێ ئسپانیا نێزیكی وه‌لاتێن عه‌ره‌به ب تایبه‌ت وه‌لاتێ مەغرب هنده‌ك ره‌وشه‌نبیر مه هه‌نه و دبیت ئسپانیا دبیت سرۆشت و هزرو بیرو باوه‌رێن و هنده‌ك تشتێن وان نێزیكی كه‌لتورێ مه‌یه ئه‌وێن ل وێ ده‌ڤه‌رێ دژین و ئسپانیا خودان فیستیڤاله‌كا ئه‌یه ل سه‌ر ئاستێ ئورۆپا و ئسپانیا ته‌ڤنێ وێ یه جڤاكی گه‌له‌ك هه‌رێم تێدا هه‌نه و ئه‌ڤه هه‌موو خالێن هه‌ڤپشكن و گه‌له‌ك جاران ئه‌م هه‌ست پێدكه‌ین مه‌ژی ئه‌و خال و ده‌رده‌سه‌ری هه‌نه و له‌ورا ژی هه‌كه ئه‌م سه‌حكه‌ینێ دناڤ وی وه‌لاتێ فیدرالی دا گه‌له‌ك هه‌رێم هه‌نه و سه‌ربه‌خۆیا خوه یا كارگێری و ده‌ستهه‌لاتێ هه‌یه و هنده‌ك جاران خوه تێدا دبینینن له‌ورا هه‌لبژارتنا مه ژی بۆ بابه‌ته‌كێ وه‌سا هه‌ست پێدكه‌ین گوهورینه‌كا دی یه و فیستەڤال دڤێت ره‌نگڤه‌دانا سیاسه‌تا حكومه‌تا مرۆڤی بیت فیستەڤال دڤێت ره‌نگڤه‌دانا كه‌لتورێ مرۆڤی بیت و دروستكرنا خالێن هه‌ڤپشك.
ئه‌میر عه‌لی سه‌رۆكێ فیستەڤالێ گۆتژی: مژارا سه‌ره‌یا گه‌را دوازدێ یا فلمه فیستەڤالا دهۆك یا نێڤدەولەتی لسه‌ر هندێ راوه‌ستیاینه و مه گه‌له‌گ گوهورین كرینه وه‌كو مه‌سه‌لا كه‌ش و هه‌وای و ئاڤێ كو ئه‌ڤرۆ مرۆڤ ژ نه‌بوونا ئاڤێ و هشكه‌سالیێ نالن و ئه‌و كه‌ش و هه‌وایێ پاقژ ژئه‌نجامێ شه‌ران و ئه‌و گوهورینێن دسه‌قای و پیسبوونا ژینگه‌هێ دا دهێنه‌كرن و ئه‌ڤه كێشه‌كا جیهانیه نه بتنێ ل سه‌ر ئاستێ پارێزگه‌هێ ژی ، له‌ورا هه‌موو حكومه‌تێن دونیایێ یێ كاردكه‌ن دحكومه‌تێن خوه دا كا بۆ داهاتی كا دێ چه‌وا شێن ئه‌ڤان ئاریشه‌یان چاره‌سه‌ركه‌ن و ئه‌ڤه هه‌مو ئه‌و فاكته‌رێن جیهانی نه و مه دڤێت دناڤ فیستیڤالێ دا ره‌نگێ وان دیاربكه‌ن و دیسان نامه‌كا ئاشكه‌رایه دڤێت حكومه‌ت پتر ل سه‌ر كاربكه‌ن و پتر پشته‌ڤانیێ ل زێده‌بوونا كه‌سكاتیێ بكه‌ن ژبۆ ژینگه‌هه‌كا پاقژو ئه‌ڤ گوهۆرینه دیارن و گوهورینێت دی ژی دووڤ دا دهێن ل سالا چووی مه گۆت ده‌هـ گه‌ربورین مه گه‌له‌ك روخسارو فورمێ فیستیڤالێ گوهارت و دبه‌رنامێ مه‌دایه بۆ دەهـ سالێن بهێت كا چبكه‌ین و ئه‌ڤه هه‌موو ئه‌جندا و ستراتیژیێن سازیێ نه و ده‌ه سالێن دی نڤشه‌كێ دی بهێت و تشته‌كێ دی بكه‌ن و تشته‌كێ جوداتر بینن و بده‌نه نیشاندان و گه‌له‌ك گوهورین دگه‌ل نێزیك بوونا فیستەڤالێ دێ ده‌ست پێكه‌ن.
